OYOમાં હવે અપરિણીત યુગલોને નહીં મળે રૂમ, આ શહેરમાં નવો નિયમ લાગુ
OYO New Policy: OYO દ્વારા હોટેલ રૂમ બુકિંગના નિયમોમાં મોટો ફેરફાર થવા જઈ રહ્યો છે. કંપનીએ તેની પાર્ટનર હોટલ માટે નવી ચેક-ઈન પોલિસી લોન્ચ કરી છે. નવી પોલિસી અનુસાર અપરિણીત યુગલોને રૂમ આપવામાં નહીં આવે. હાલમાં આ નવો નિયમ ઉત્તર પ્રદેશના મેરઠમાં લાગુ કરવામાં આવ્યો છે. પરંતુ આગામી સમયમાં તેને અન્ય શહેરોમાં પણ લાગુ કરવામાં આવી શકે છે.
unmarried couples will no longer be welcome to check in,OYO changes check-in policy. pic.twitter.com/VtvFRVKGQt
— Indian Infra Report (@Indianinfoguide) January 5, 2025
ઓયોની નવી ચેક ઇન પોલિસી શું છે?
આ નવી પોલિસીમાં અપરિણીત યુગલોએ માન્ય પુરાવો આપવો પડશે. જેથી તેઓ કપલ સાબિત થઈ શકે. આ નિયમ ઓનલાઈન બુકિંગ માટે પણ લાગુ થશે. ઓયોએ પોતાના નિવેદનમાં કહ્યું છે કે સામાજીક પરિસ્થિતિઓને ધ્યાનમાં રાખીને પાર્ટનર હોટલોને કપલ્સનું બુકિંગ કેન્સલ કરવાનો અધિકાર આપવામાં આવ્યો છે.
આ નિયમ સૌપ્રથમ મેરઠમાં લાગુ કરવામાં આવ્યો
ઓયોએ મેરઠ સ્થિત તેની ભાગીદાર હોટલોને આ નવી પોલિસી તાત્કાલિક અસરથી લાગુ કરવા સૂચના આપી છે. મેરઠના અનુભવોના આધારે કંપની આગામી શહેરોમાં પણ આ નિયમ લાગુ કરી શકે છે. આ બાબતની જાણકાર વ્યક્તિના જણાવ્યા અનુસાર, “મેરઠમાં ઘણી સામાજિક સંસ્થાઓએ કંપની સમક્ષ આ મુદ્દો ઉઠાવ્યો હતો. આ સિવાય અન્ય ઘણા શહેરોમાં અપરિણીત યુગલોને રૂમ ન આપવા અંગે અરજીઓ દાખલ કરવામાં આવી હતી. આ કારણે કંપનીએ આ નિર્ણય લેવો પડ્યો.
OYO અધિકારી શું કહે છે?
કંપનીના ઉત્તર ભારત ક્ષેત્રના વડા પવન શર્માએ પીટીઆઈને જણાવ્યું હતું કે, “OYO સુરક્ષિત રીતે અને જવાબદારીપૂર્વક સંચાલન કરવા માટે પ્રતિબદ્ધ છે. એક તરફ આપણે વ્યક્તિગત સ્વતંત્રતાનો આદર કરીએ છીએ. તેથી, કાયદાના દાયરામાં રહીને અમે સામાજિક સંસ્થાઓના મંતવ્યો પણ જવાબદારીપૂર્વક સાંભળીએ છીએ. અમે સમયાંતરે આ પોલિસીની અસર અને નિયમોની સમીક્ષા કરતા રહીશું. ઓયો કહે છે કે આ પ્રોગ્રામનો ઉદ્દેશ્ય કંપની વિશેની જૂની ધારણાઓને બદલવાનો અને પરિવારો, વિદ્યાર્થીઓ, વ્યવસાય, ધાર્મિક અને એકલ પ્રવાસીઓ માટે સુરક્ષિત અનુભવ સાથે બ્રાન્ડને રજૂ કરવાનો છે. કંપનીએ કહ્યું કે આના દ્વારા તેનો હેતુ લોકોને વધુને વધુ રૂમ બુક કરવા માટે પ્રોત્સાહિત કરવાનો પણ છે.
