પહલગામ આતંકવાદી હુમલો: ભારતે પાકિસ્તાનને આપી કડક ચેતવણી-‘LoC પર તાત્કાલિક ગોળીબાર બંધ કરો’
Pahalgam Terror Attack: ભારત અને પાકિસ્તાન વચ્ચે તણાવ સતત વધી રહ્યો છે. બંને દેશોના ડીજીએમઓએ મંગળવારે હોટલાઈન પર વાત કરી હતી અને જમ્મુ-કાશ્મીરમાં નિયંત્રણ રેખા (LOC) પર પાકિસ્તાન દ્વારા કરવામાં આવી રહેલા બેફામ ફાયરિંગ વચ્ચે ભારતે પાકિસ્તાનને ચેતવણી આપી હતી અને કહ્યું હતું કે, તે તાત્કાલિક ફાયરિંગ બંધ કરે. ભારત અને પાકિસ્તાનના સૈન્ય ઓપરેશન્સના ડિરેક્ટર જનરલે હોટલાઇન પર વાત કરી હતી.
વાતચીત દરમિયાન ભારતીય પક્ષ દ્વારા ઉશ્કેરણી વિનાના ગોળીબાર અંગે પાકિસ્તાની પક્ષને ચેતવણી આપવામાં આવી હતી. મંગળવારે બે લશ્કરી કાર્યવાહીના ડિરેક્ટર જનરલ વચ્ચે વાતચીત થઈ હતી. પહલગામ આતંકવાદી હુમલાને લઈને ભારત અને પાકિસ્તાન વચ્ચે વધી રહેલા તણાવ વચ્ચે આ વાતચીત થઈ હતી.
