PM મોદી ફ્રાન્સથી અમેરિકા જવા રવાના, રાષ્ટ્રપતિ મેક્રોને તેમને એરપોર્ટ પર વિદાય આપી
PM Modi Foreign Visit: ફ્રાન્સની બે દિવસીય મુલાકાત પૂર્ણ કર્યા પછી વડાપ્રધાન નરેન્દ્ર મોદી બુધવારે (12 ફેબ્રુઆરી, 2025) અમેરિકા જવા રવાના થયા છે. ફ્રાન્સના રાષ્ટ્રપતિ ઇમેન્યુઅલ મેક્રોન તેમને વિદાય આપવા એરપોર્ટ પહોંચ્યા હતા. અમેરિકામાં પ્રધાનમંત્રી મોદી રાષ્ટ્રપતિ ટ્રમ્પ સાથે પ્રતિનિધિમંડળ સ્તરની દ્વિપક્ષીય બેઠક કરશે.
PM Narendra Modi tweets, "Thank you France! A productive visit concludes, where I attended programmes ranging from AI, commerce, energy and cultural linkages. Gratitude to President Emmanuel Macron and the people of France."
(Pics: PM Narendra Modi/X) pic.twitter.com/in6hy6yPQu
— ANI (@ANI) February 12, 2025
ફ્રાન્સની મુલાકાત દરમિયાન તેમણે આર્ટિફિશિયલ ઇન્ટેલિજન્સ એક્શન સમિટની સહ-અધ્યક્ષતા કરી હતી. તેમણે મેક્રોન સાથે દ્વિપક્ષીય વાટાઘાટો પણ કર્યા. વિદેશ સચિવ વિક્રમ મિસ્ત્રીએ જણાવ્યું હતું કે, વડાપ્રધાન નરેન્દ્ર મોદી અને ફ્રાન્સના રાષ્ટ્રપતિ ઇમેન્યુઅલ મેક્રોન પેરિસથી માર્સેલીની યાત્રા દરમિયાન ફ્રેન્ચ રાષ્ટ્રપતિના વિમાનમાં દ્વિપક્ષીય વાટાઘાટો કર્યા હતા. તેમણે કહ્યું કે ભારત-ફ્રાન્સ સંબંધો સંપૂર્ણપણે નવી ઊંચાઈએ પહોંચ્યા છે.
વિદેશ સચિવે PM મોદીની ફ્રાન્સ મુલાકાતની માહિતી આપી
ફ્રાન્સમાં મીડિયાને PM મોદીની મુલાકાત અંગે માહિતી આપતાં મિસ્ત્રીએ જણાવ્યું હતું કે, બંને નેતાઓએ યુરોપ, પશ્ચિમ એશિયા અને ઈન્ડો-પેસિફિક ક્ષેત્રમાં તાજેતરના ભૂ-રાજકીય વિકાસ પર વિચારોનું આદાન-પ્રદાન કર્યું હતું અને વૈશ્વિક અને પ્રાદેશિક મહત્વના મુદ્દાઓ પર ચર્ચા કરી હતી. મોદી અને મેક્રોન પેરિસમાં AI એક્શન સમિટની સહ-અધ્યક્ષતા કરી, ભારત-ફ્રાન્સ CEO ફોરમમાં હાજરી આપી અને બાદમાં બુધવારે સાંજે ફ્રેન્ચ રાષ્ટ્રપતિ વિમાનમાં માર્સેલી પહોંચ્યા હતા.
#WATCH | Prime Minister Narendra Modi and French President Emmanuel Macron share a hug at the airport in Marseille, France. PM Modi is departing for Washington, DC, on the second leg of his visit.
(Video: ANI/DD) pic.twitter.com/oeCiLOjxZZ
— ANI (@ANI) February 12, 2025
વિદેશ સચિવે કહ્યું કે માર્સેલીમાં કેટલીક દ્વિપક્ષીય ચર્ચાઓ પણ થઈ હતી. ચર્ચાઓમાં આપણી ઊંડી અને વૈવિધ્યસભર વ્યૂહાત્મક ભાગીદારીના તમામ પાસાઓને આવરી લેવામાં આવ્યા હતા. સંરક્ષણ, અવકાશ અને નાગરિક પરમાણુ સહયોગ, આરોગ્ય અને લોકોથી લોકોના સંબંધોના ક્ષેત્રોમાં દ્વિપક્ષીય સહયોગની સમીક્ષા કરી. વિક્રમ મિસ્ત્રીએ જણાવ્યું હતું કે બંને પક્ષો વચ્ચે દ્વિપક્ષીય ચર્ચામાં AI એક મુખ્ય ક્ષેત્ર છે.
