વોશિંગ્ટન પહોંચ્યા PM મોદી, વ્હાઇટ હાઉસમાં ડોનાલ્ડ ટ્રમ્પ સાથે મુલાકાત કરશે
PM Modi America Visit: પ્રધાનમંત્રી નરેન્દ્ર મોદી બે દિવસની અમેરિકાની મુલાકાતે છે, જ્યાં તેઓ યુએસ રાષ્ટ્રપતિ ડોનાલ્ડ ટ્રમ્પ સાથે મુલાકાત અને વાતચીત કરશે. પીએમ મોદી અને ટ્રમ્પ વચ્ચેની વાતચીત ભારત-અમેરિકા વ્યૂહાત્મક સંબંધોને વેપાર, સંરક્ષણ અને ઉર્જા સહયોગ જેવા ક્ષેત્રોમાં મજબૂત બનાવવા પર ધ્યાન કેન્દ્રિત કરે તેવી અપેક્ષા છે. આ ઉપરાંત આતંકવાદ, ઈન્ડો-પેસિફિક ક્ષેત્ર, ચીન, H1B વિઝા અને ગેંગસ્ટર જેવા મુદ્દાઓ પર પણ ચર્ચા થઈ શકે છે. ટ્રમ્પ બીજી વખત રાષ્ટ્રપતિ બન્યા પછી પીએમ મોદીની આ પહેલી યુએસ મુલાકાત છે, જેને ખૂબ જ મહત્વપૂર્ણ માનવામાં આવી રહી છે.
Landed in Washington DC a short while ago. Looking forward to meeting @POTUS Donald Trump and building upon the India-USA Comprehensive Global Strategic Partnership. Our nations will keep working closely for the benefit of our people and for a better future for our planet.… pic.twitter.com/dDMun17fPq
— Narendra Modi (@narendramodi) February 13, 2025
પીએમ મોદી બે દિવસની અમેરિકાની મુલાકાત માટે વોશિંગ્ટન પહોંચ્યા છે. પીએમએ કહ્યું કે, તેઓ ટ્રમ્પને મળવા અને ભારત-અમેરિકા વૈશ્વિક વ્યૂહાત્મક ભાગીદારીને આગળ વધારવા માટે આતુર છે.
પીએમએ વોશિંગ્ટન એરપોર્ટની તસવીરો શેર કરી અને ટ્વિટર પર લખ્યું છે કે, ‘હું થોડા સમય પહેલા જ વોશિંગ્ટન ડીસી પહોંચ્યો છું. હું રાષ્ટ્રપતિ ડોનાલ્ડ ટ્રમ્પને મળવા અને ભારત-અમેરિકા વ્યાપક વૈશ્વિક વ્યૂહાત્મક ભાગીદારીને આગળ વધારવા માટે આતુર છું. આપણા દેશો આપણા લોકોના હિત અને આપણા પ્લેનેટના સારા ભવિષ્ય માટે સાથે મળીને કામ કરવાનું ચાલુ રાખશે.’
A warm reception in the winter chill!
Despite the cold weather, the Indian diaspora in Washington DC has welcomed me with a very special welcome. My gratitude to them. pic.twitter.com/H1LXWafTC2
— Narendra Modi (@narendramodi) February 13, 2025
વડાપ્રધાન નરેન્દ્ર મોદી વોશિંગ્ટન એરપોર્ટથી અમેરિકી રાષ્ટ્રપતિના ગેસ્ટ હાઉસ બ્લેર હાઉસ પહોંચ્યા છે. આ સમય દરમિયાન તેઓ ભારતીય સમુદાયના લોકોને મળ્યા હતા. ઉલ્લેખનીય છે કે, પીએમ મોદી 12-13 ફેબ્રુઆરીએ અમેરિકાના પ્રવાસે છે અને તેઓ અમેરિકાના રાષ્ટ્રપતિ ડોનાલ્ડ ટ્રમ્પ સાથે દ્વિપક્ષીય વાતચીત કરશે.
Met USA’s Director of National Intelligence, @TulsiGabbard in Washington DC. Congratulated her on her confirmation. Discussed various aspects of the India-USA friendship, of which she’s always been a strong votary. pic.twitter.com/w2bhsh8CKF
— Narendra Modi (@narendramodi) February 13, 2025
પીએમ મોદીએ કહ્યું કે, તેઓ વોશિંગ્ટનમાં યુએસ નેશનલ ઇન્ટેલિજન્સ ડિરેક્ટર તુલસી ગબાર્ડને મળ્યા છે. આ પદ પર તેમની નિમણૂક બદલ હું તેમને અભિનંદન આપું છું. ભારત-અમેરિકા મિત્રતાના ઘણા પાસાઓ પર ચર્ચા કરવામાં આવી હતી, જેની તેમણે હંમેશા હિમાયત કરી છે.
