પ્રિયંકા ગાંધીની ‘પેલેસ્ટાઈન’ લખેલી બેગને લઈ મચી બબાલ
Priyanka Gandhi Palestine Bag: કોંગ્રેસનો પેલેસ્ટાઈન પ્રત્યેનો પ્રેમ ફરી એકવાર દેખાઈ આવ્યો છે. પ્રિયંકા ગાંધીની એક તસવીર સામે આવી છે જેમાં તેમની બેગ પર પેલેસ્ટાઈન લખેલું છે. કોંગ્રેસના સાંસદ પ્રિયંકા ગાંધી આ બેગ લઇને સંસદ પહોંચ્યા હતા. હવે આ બેગને લઈને રાજકીય લડાઈ શરૂ થઈ ગઈ છે. ભાજપે પ્રિયંકા ગાંધી પર પ્રહારો કર્યા છે. કેન્દ્રીય મંત્રી એસપી સિંહ બઘેલે કહ્યું કે પ્રિયંકા મુસ્લિમ મતોને ખુશ કરવા માટે પેલેસ્ટાઈન લખેલી બેગ લઈને આવ્યા છે.
BIG BREAKING 🚨
Priyanka Gandhi carrying a ‘Palestine’ bag arrived at the Parliament.
PVG is a fearless leader 🔥🔥🔥 pic.twitter.com/mhTE43EfVA
— Rohini Anand (@mrs_roh08) December 16, 2024
પ્રિયંકા બેગ દ્વારા પેલેસ્ટાઈનના સમર્થનમાં જોવા મળી
આ બેગ દ્વારા પ્રિયંકા ગાંધી ફરી એકવાર પેલેસ્ટાઈનના સમર્થનમાં જોવા મળી છે. નોંધનીય છે કે, આ પહેલીવાર નથી જ્યારે પ્રિયંકા ગાંધીએ પેલેસ્ટાઈનનું સમર્થન કર્યું હોય. તેઓ તાજેતરમાં ભારતની મુલાકાતે આવેલા પેલેસ્ટાઈનના રાજદૂત અબેદ એલરાઝેગ અબુ જાઝર (Abed Elrazeg Abu Jazer)ને મળ્યા હતા. પેલેસ્ટાઈનના રાજદૂતે પ્રિયંકાને વાયનાડ લોકસભા ચૂંટણીમાં જીત બદલ અભિનંદન પાઠવ્યા હતા.
Priyanka Gandhi with Palestine bag. #PriyankaGandhi #Palestine pic.twitter.com/o3WdouEGJT
— Sumit Kumar (@skphotography68) December 16, 2024
પ્રિયંકાએ ઈઝરાયેલ પર નિશાન સાધ્યું હતું
આ વર્ષે ઓક્ટોબરમાં હમાસ અને ઈઝરાયલ વચ્ચે શરૂ થયેલા યુદ્ધને એક વર્ષ પૂર્ણ થયા બાદ પણ પ્રિયંકા ગાંધીએ ઈઝરાયેલ પર નિશાન સાધ્યું હતું. ગાઝામાં વધી રહેલા મૃત્યુ વચ્ચે પ્રિયંકાએ ઈઝરાયેલ પર હુમલો કર્યો હતો. કોંગ્રેસ સાંસદે કહ્યું હતું કે, “ગાઝામાં 7,000 લોકોની હત્યા બાદ પણ હિંસાનો સિલસિલો અટક્યો નથી.” આ 7,000 લોકોમાંથી 3,000 માસૂમ બાળકો હતા. વાયનાડમાં ચૂંટણી લડતી વખતે પણ પ્રિયંકા ગાંધીએ પેલેસ્ટાઈનનો મુદ્દો સતત ઉઠાવ્યો છે.
