રાજનાથ સિંહ બોલ્યા, ‘PoK વગર જમ્મુ-કાશ્મીર અધૂરું, પાકિસ્તાન આતંકવાદ બંધ નહીં કરે તો… ’

નવી દિલ્હીઃ સંરક્ષણ મંત્રી રાજનાથ સિંહે મંગળવારે 108 ફૂટ ઉંચો રાષ્ટ્રધ્વજ ફરકાવ્યો હતો અને જમ્મુના અખનૂર સરહદી વિસ્તારમાં હેરિટેજ મ્યુઝિયમનું ઉદ્ઘાટન કર્યું હતું. તાંડા આર્ટિલરી બ્રિગેડ ખાતે આયોજિત 9મા આર્મ્ડ ફોર્સીસ વેટરન્સ ડે કાર્યક્રમમાં ભાગ પણ લીધો હતો. આ મ્યુઝિયમમાં જમ્મુ અને કાશ્મીરના વિવિધ યુદ્ધોમાં વપરાતા શસ્ત્રો અને યુદ્ધના નાયકોની મૂર્તિઓ પ્રદર્શિત કરવામાં આવી છે.

સંરક્ષણ મંત્રી રાજનાથ સિંહે કહ્યું કે, ‘ભૂતકાળમાં અગાઉની સરકારો દ્વારા જમ્મુ અને કાશ્મીર સાથે અણછાજતું વર્તન કરવામાં આવ્યું હતું, જેના પરિણામે પ્રદેશના લોકો દિલ્હી સાથે જે રીતે જોડાવવા જોઈએ તે રીતે જોડાઈ શક્યા નથી. હું ભૂતકાળમાં જવા માગતો નથી. કારણ કે અમારી સરકારની સૌથી મોટી ઉપલબ્ધી એ છે કે, અમે કાશ્મીર અને બાકીના દેશ વચ્ચેના દિલની ખાઈને દૂર કરવાનું કામ કરી રહ્યા છીએ.

મુખ્યમંત્રી ઓમર અબ્દુલ્લાની પ્રશંસા કરી અને કહ્યું કે, તેમણે જમ્મુ-કાશ્મીર અને દિલ્હીના લોકો વચ્ચેનું અંતર ઘટાડવા માટે યોગ્ય પગલાં લીધાં છે. તેમણે એમ પણ કહ્યું કે, ભાજપ સરકાર દિલ્હી અને કાશ્મીરને સમાન રીતે જુએ છે. સિંહે આ નિવેદન તાંડા આર્ટિલરી બ્રિગેડ ખાતે આયોજિત 9મી સશસ્ત્ર દળ વેટરન્સ ડે રેલી દરમિયાન આપ્યું હતું.

તેમણે પાકિસ્તાન અધિકૃત કાશ્મીર (PoK)ના વડાપ્રધાન ચૌધરી અનવર ઉલ હકના ભારત વિરુદ્ધના નિવેદનની સખત નિંદા કરી અને કહ્યું કે, PoK વિના જમ્મુ અને કાશ્મીર અધૂરું છે. સિંહે દિગ્ગજોને મકરસંક્રાંતિ અને નવા વર્ષની શુભેચ્છા પાઠવી હતી અને કહ્યું હતું કે, અખનૂરમાં તેમની હાજરી દર્શાવે છે કે અમે અખનૂર અને જમ્મુ અને કાશ્મીરને અમારા હૃદયમાં દિલ્હીની નજીક માનીએ છીએ.

રક્ષા મંત્રી રાજનાથ સિંહે પાકિસ્તાન પર ભારતને અસ્થિર કરવાના હેતુથી આતંકવાદને પ્રોત્સાહન આપવાનો આરોપ લગાવ્યો હતો અને કહ્યું કે, પાકિસ્તાને પાકિસ્તાન અધિકૃત કાશ્મીર (પીઓકે)માં આતંકવાદી ઈન્ફ્રાસ્ટ્રક્ચરનો નાશ કરવો પડશે નહીં તો તેના ગંભીર પરિણામો ભોગવવા પડશે.

અખનૂર વિસ્તારમાં ભૂતપૂર્વ સૈનિકોની રેલીને સંબોધતા સંરક્ષણ પ્રધાન રાજનાથ સિંહે કહ્યું કે, પીઓકેની જમીનનો ઉપયોગ આતંકવાદના કારોબારને ચલાવવા માટે કરવામાં આવે છે. આતંકવાદીઓના તાલીમ શિબિરો હજુ પણ ત્યાં સક્રિય છે અને સરહદ નજીક લોન્ચ પેડ બનાવવામાં આવ્યા છે. ભારત સરકાર આ પરિસ્થિતિથી સંપૂર્ણપણે વાકેફ છે. પાકિસ્તાને આનો અંત લાવવો પડશે.

જમ્મુ અને કાશ્મીર પર ભારતની સ્થિતિનો પુનરોચ્ચાર કરતા તેમણે કહ્યું કે, જમ્મુ અને કાશ્મીર PoK વગર અધૂરું છે. પીઓકે પાકિસ્તાન માટે માત્ર વિદેશી ક્ષેત્ર છે. સિંહે એમ પણ કહ્યું કે, પીઓકેમાં લોકો સન્માનિત જીવનથી વંચિત છે અને પાકિસ્તાનના શાસકોએ ભારત વિરુદ્ધ તેમના એજન્ડાને આગળ વધારવા માટે ધર્મના નામે તેમનું શોષણ કર્યું છે. પીઓકેના વડાપ્રધાન અનવર-ઉલ-હકના તાજેતરના નિવેદનની પણ સખત નિંદા કરી અને તેને પાકિસ્તાનના ભારત વિરોધી એજન્ડાનો સતત ભાગ ગણાવ્યો જે જનરલ ઝિયા-ઉલ-હકના સમયથી ચાલી રહ્યો છે.

આતંકવાદને સમર્થન આપવાની પાકિસ્તાનની નીતિ પર પ્રહાર કરતાં તેમણે કહ્યું કે, પાકિસ્તાને હંમેશા ભારતને અસ્થિર કરવાના પ્રયાસો કર્યા છે. આ પ્રયાસ ચાલુ છે, પરંતુ પાકિસ્તાન ક્યારેય આતંકવાદ છોડવાનું નથી. જમ્મુ-કાશ્મીરમાં ઘૂસણખોરી કરનારા આતંકવાદીઓ પાકિસ્તાનથી આવે છે.

આતંકવાદ અને ઘૂસણખોરીને પ્રોત્સાહન આપવાના પાકિસ્તાનના પ્રયાસોની ટીકા કરતા તેમણે કહ્યું કે, પાકિસ્તાને 1965થી આ પ્રયાસો કર્યા છે, પરંતુ તે જમ્મુ અને કાશ્મીરના લોકોનું સમર્થન મેળવવામાં વારંવાર નિષ્ફળ રહ્યું છે. 1965ના યુદ્ધ અને આતંકવાદના શિખરે જમ્મુ અને કાશ્મીરના લોકો પાકિસ્તાન સાથે નહીં. તેના બદલે આપણા ઘણા મુસ્લિમ ભાઈઓએ આતંકવાદ સામે લડ્યા અને પોતાના જીવનનું બલિદાન આપ્યું હતું.

તેમણે 1965ના યુદ્ધમાં ભારતીય સેનાના યોગદાનને પણ યાદ કર્યું હતું, જ્યાં ભારતીય સેનાએ પાકિસ્તાનના ઓપરેશન ગ્રાન્ડ સ્લેમને નિષ્ફળ બનાવીને લાહોર સુધી પહોંચવાની વ્યૂહાત્મક સફળતા હાંસલ કરી. સિંહે એમ પણ કહ્યું કે, પાકિસ્તાને દરેક યુદ્ધમાં ભારત તરફથી હારનો સામનો કરવો પડ્યો છે – પછી તે 1948ના આદિવાસી હુમલા હોય, 1965નું યુદ્ધ હોય, 1971નું યુદ્ધ હોય કે 1999નું કારગિલ સંઘર્ષ હોય. દરેક વખતે પાકિસ્તાનને અપમાન અને હારનો સામનો કરવો પડ્યો છે.

1965ના યુદ્ધના અનુભવને પ્રતિબિંબિત કરતા સિંહે કહ્યું કે, ભારતીય સેના દ્વારા જીતેલા વિસ્તારો બાદમાં વાટાઘાટો દરમિયાન છોડી દેવામાં આવ્યા હતા, જેના પરિણામે આતંકવાદીઓ માટે ઘૂસણખોરીના માર્ગો ખોલવામાં આવ્યા હતા. જો આવું ન થયું હોત તો આતંકવાદીઓની ઘૂસણખોરી રોકી શકાઈ હોત અને આ પરિવર્તનની શરૂઆત તરીકે કલમ 370 નાબૂદ કરવાની વાત કરી હતી. તેમણે ભારપૂર્વક જણાવ્યું હતું કે, કલમ 370 નાબૂદ કર્યા પછી જમ્મુ અને કાશ્મીરની સ્થિતિમાં નોંધપાત્ર ફેરફાર થયો છે. જમ્મુ-કાશ્મીર હવે પીઓકે વિના અધૂરું નથી. આ ભારતનું તાજ રત્ન છે.