સામ પિત્રોડાને કોંગ્રેસમાં ફરી મળી મોટી જવાબદારી, વિવાદાસ્પદ નિવેદનો બાદ આપ્યું હતું રાજીનામું

Big responsibility for Sam Pitroda: સામ પિત્રોડાને કોંગ્રેસમાં ફરી એકવાર મહત્વની જવાબદારી સોંપવામાં આવી છે. પિત્રોડાને ઈન્ડિયન ઓવરસીઝ કોંગ્રેસના અધ્યક્ષ બનાવવામાં આવ્યા છે. લોકસભા ચૂંટણી દરમિયાન વિવાદાસ્પદ નિવેદનો બાદ સામ પિત્રોડાએ ઈન્ડિયન ઓવરસીઝ કોંગ્રેસના અધ્યક્ષ પદેથી રાજીનામું આપી દીધું હતું, પરંતુ બુધવારે તેઓને એ જ પદ પર ફરીથી નિયુક્ત કરવામાં આવ્યા હતા.

પિત્રોડાએ આ વર્ષે મે મહિનામાં ભારતીયોના દેખાવ અંગેની તેમની ટિપ્પણી વિવાદમાં ફસાયા બાદ તેમના પદ પરથી રાજીનામું આપ્યું હતું, ત્યારે કોંગ્રેસ પાર્ટીએ પિત્રોડાની ટિપ્પણીથી પોતાને દૂર રાખ્યા હતા. કોંગ્રેસના મહાસચિવ જયરામ રમેશે X પર પોસ્ટ દ્વારા પિત્રોડાના પદ છોડવાના નિર્ણયની માહિતી આપી હતી. પોસ્ટમાં કહેવામાં આવ્યું છે કે, “સેમ પિત્રોડાએ સ્વેચ્છાએ ઈન્ડિયન ઓવરસીઝ કોંગ્રેસના અધ્યક્ષ પદ પરથી રાજીનામું આપવાનો નિર્ણય લીધો છે. કોંગ્રેસ અધ્યક્ષે તેમના નિર્ણયને સ્વીકારી લીધો છે.”

Congress leadership had suspended Sam Pitroda over his racist statements but re-appointed him as chairman of Overseas Congress immediately after elections are over..

This is how Congress fools common people. . pic.twitter.com/7AhKpwguPt

— Mr Sinha (@MrSinha_) June 26, 2024

‘ધ સ્ટેટ્સમેન’ને આપેલા ઈન્ટરવ્યુમાં સેમ પિત્રોડાએ ભારતમાં લોકશાહી પર કહ્યું હતું કે, “આપણે 75 વર્ષથી ખૂબ જ ખુશ વાતાવરણમાં જીવ્યા છીએ, જ્યાં લોકો અહીં અને ત્યાં થોડી લડાઈઓ સિવાય એકબીજા સાથે સુમેળમાં રહી શકે છે. આપણે ભારત જેવા વૈવિધ્યસભર દેશને એકસાથે મૂકી શકીએ છીએ, જ્યાં પૂર્વના લોકો ચીની જેવા દેખાય છે, પશ્ચિમમાં લોકો આરબો જેવા દેખાય છે, ઉત્તરમાં લોકો ગોરા જેવા દેખાય છે અને કદાચ દક્ષિણમાં લોકો આફ્રિકન જેવા દેખાય છે.” તેમણે કહ્યું કે ભારતના લોકો અલગ-અલગ ભાષાઓ, ધર્મો, ખાદ્યપદાર્થો અને રીતરિવાજોનું સન્માન કરે છે, જે દરેક પ્રદેશમાં અલગ-અલગ હોય છે.

તેણે આગળ કહ્યું કે આ તે ભારત છે જેમાં હું માનું છું, જ્યાં દરેક માટે જગ્યા છે અને દરેક જણ થોડું સમાધાન કરે છે. આ ટિપ્પણીએ લોકસભાની ચૂંટણી દરમિયાન ખળભળાટ મચાવ્યો હતો અને સત્તારૂઢ ભાજપે કોંગ્રેસ પક્ષ સામે તેની તમામ તાકાત લગાવી દીધી હતી. દરમિયાન, જયરામ રમેશે કહ્યું હતું કે સામ પિત્રોડા દ્વારા કરવામાં આવેલી તુલના સૌથી દુર્ભાગ્યપૂર્ણ અને અસ્વીકાર્ય છે. તેણે X પરની એક પોસ્ટમાં કહ્યું હતું કે ભારતની વિવિધતાને દર્શાવવા માટે પોડકાસ્ટમાં સેમ પિત્રોડા દ્વારા કરવામાં આવેલી તુલના અત્યંત દુર્ભાગ્યપૂર્ણ અને અસ્વીકાર્ય છે. ભારતીય રાષ્ટ્રીય કોંગ્રેસ આ સરખામણીઓથી પોતાને સંપૂર્ણપણે અલગ કરે છે.