May 22, 2024

જમ્યા બાદ સ્લો ચાલવું જોઈએ કે ફાસ્ટ, જાણો તેના ફાયદા

અમદાવાદ: આપણે બધા જાણીએ છીએ કે ચાલવું સ્વાસ્થ્ય માટે કેટલું ફાયદાકારક છે. પોતાને સ્વસ્થ રાખવા માટે મોટાભાગના લોકો દોડવા અને સ્પીડ વોકિંગ પણ કરે છે. કેટલાક લોકો એવું પણ કહે છે કે રાત્રિભોજન કર્યા પછી તરત જ સૂવું ન જોઈએ. તેના બદલે આપણે ચાલવું જોઈએ. હવે પ્રશ્ન એ થાય છે કે આપણે રાત્રિભોજન પછી કેવી રીતે ચાલવું જોઈએ? તમે ઘણી વાર તમારી આસપાસ કે તમારા પાડોશમાં રાત્રે લોકોને ફરતા જોયા હશે. ઘણા લોકો કહે છે કે રાત્રિભોજન પછી તેઓ ઘણીવાર થોડો સમય ચાલવા જાય છે અને પછી જ બેડ પર સૂઈ જાય છે. પરંતુ કેટલાક લોકો ખાધા પછી સીધા સુઈ જાય છે. જેના કારણે સવારે ઉઠ્યા પછી પાચનની સમસ્યા થઈ શકે છે. આ સમસ્યાથી બચવા માટે જમ્યા પછી ચાલવું જ જોઈએ.

રાત્રે ઝડપી ચાલવાનું ટાળો
ઘણા નિષ્ણાતોના મતે સાંજે 7 વાગ્યા સુધીમાં ડિનર કરવું જોઈએ. રાત્રિભોજન કર્યા પછી તરત જ ચાલવા ન જાવ તેના બદલે જમવાના ઓછામાં ઓછા એક કલાક પછી ચાલવા જાઓ. આ સાથે હંમેશા રાત્રે ઝડપી ચાલવાનું ટાળો અને બને તેટલું ધીમેથી ચાલો. રાત્રિભોજન પછી અડધા કલાકથી એક કલાક સુધી સામાન્ય વોક લો. ખૂબ ઝડપથી ચાલવાથી તમારા પેટમાં દુખાવો થઈ શકે છે.

રાત્રિભોજન પછી ચાલવાના ફાયદા

– ખોરાક પચાવવામાં મદદરૂપ
જો તમે રાત્રિભોજન પછી અડધો કલાક ચાલશો તો તેનાથી તમારી પાચનક્રિયા સુધરશે. તમને અપચો, પેટમાં દુખાવો, ગેસ વગેરે જેવી સમસ્યા પણ નહીં થાય.

આ પણ વાંચો: દુર્ગ બસ અકસ્માત અંગે PM મોદીએ શોક વ્યક્ત કર્યો, અકસ્માતમાં 15 લોકોના મોત

– મેટાબોલિઝમ બુસ્ટ કરો
રાત્રિભોજન પછી ચાલવાથી તમારું મેટાબોલિઝમ વધે છે અને તમારું વજન પણ નિયંત્રણમાં રહે છે.

– મજબૂત રોગપ્રતિકારક શક્તિ
રાત્રિભોજન પછી ચાલવાની આદત તમારી રોગપ્રતિકારક શક્તિમાં વધારો કરશે અને તમે ઘણા પ્રકારના મોસમી રોગોથી પણ સુરક્ષિત રહેશો. તમારા હૃદયને સ્વસ્થ રાખવા માટે તમારે દરરોજ ચાલવું પણ જોઈએ.