સુરતમાં RTO ડુપ્લીકેટ રસીદ બનાવવાનો પર્દાફાશ, પોલીસે રિક્ષાચાલકની કરી ધરપકડ

Surat: સુરત RTO ડુપ્લીકેટ રસીદ બનાવી વાહન છોડવાના રેકેટ મામલે મોટા સમાચાર સામે આવ્યા છે. RTOની ડુપ્લીકેટ રસીદ બનાવી વાહનો છોડાવવાના રેકેટમાં પોલીસે રિક્ષાચાલકની ધરપકડ કરવામાં આવે છે. સરથાણાના ટ્રાફિક ગોડાઉનમાંથી બે દિવસ પહેલા નકલી RTO રસીદનું ઝડપાયું કૌભાંડ હતું. જેને લઈને ટ્રાફિક પોલીસે સરથાણા પોલીસમાં ફરિયાદ નોંધાવી હતી.

મળતી માહિતી અનુસાર સુરત RTO ડુપ્લીકેટ રસીદ મામલે ત્રણ લોકોની ધરપકડ કરવામાં આવી છે. નોંધનીય છે કે, ત્રણ યુવક નકલી RTO રસીદ લઈ રિક્ષા છોડાવા આવ્યા હતા. ટ્રાફિક પોલીસને શંકા જતા રસીદ પરનો QR કોડ સ્કેન કરતા સમગ્ર ભાંડો ફૂટ્યો હતો. તેમજ 1 વર્ષની રસીદ તપાસ કરતા 29 નકલી RTO રસીદ મળી આવી હતી. આ ઘટનાને લઈને ટ્રાફિક પોલીસે સરથાણા પોલીસમાં ફરિયાદ નોંધાવી હતી. જોકે, પોલીસે રિક્ષાચાલક ક્રિષ્ના કુશ્વાહની ધરપકડ કરી છે. સુનિલ પંડિત નામના યુવકે 6000માં નકલી બનાવી આપી હતી. સુનિલે રિક્ષાચાલક પાસેથી 1,500 રૂપિયા લીધા હતા અને 4500 રૂપિયા રીક્ષા છોડાવ્યા બાદ લેવાનો હતો.

આ પણ વાંચો: Mann ki Baat 119th Episode: PM મોદીએ ‘મન કી બાત’માં ISROની સફળતાનો કર્યો ઉલ્લેખ