સ્વિટ્ઝરલેન્ડમાં આજથી બુરખો પહેરવા પર પ્રતિબંધ, જો કાયદાનું ઉલ્લંઘન કર્યું તો થશે દંડ

Switzerland:c

સ્વિટ્ઝર્લેન્ડમાં 2021ના લોકમતમાં પસાર કરાયેલા આ પ્રતિબંધની મુસ્લિમ સંગઠનોએ ટીકા કરી હતી. ખાસ વાત એ છે કે બુરખા પર પ્રતિબંધની જોગવાઈ એ જ જૂથ દ્વારા રજૂ કરવામાં આવી હતી જેણે 2009માં દેશમાં નવા મિનારાઓ બનાવવા પર પ્રતિબંધ મૂક્યો હતો.

બુરખા પર પ્રતિબંધ અંગે લોકમત યોજાયો હતો
2021માં યોજાયેલા જનમત સંગ્રહ દરમિયાન સ્વિત્ઝર્લેન્ડના 51.21 ટકા લોકોએ આ પ્રતિબંધના સમર્થનમાં મતદાન કર્યું હતું. જમણેરી સ્વિસ પીપલ્સ પાર્ટીએ દેશમાં બુરખા પર પ્રતિબંધનો પ્રસ્તાવ મૂક્યો હતો, દલીલ કરી હતી કે તે દેશના સાંસ્કૃતિક મૂલ્યો અને જાહેર સલામતીનું રક્ષણ કરશે. આ પછી વર્ષ 2022 માં દેશની રાષ્ટ્રીય પરિષદે આ કાયદાને મંજૂરી આપી. જે મુજબ જાહેર સ્થળો, ઓફિસ, દુકાનો અને રેસ્ટોરન્ટમાં મહિલાઓને સંપૂર્ણ રીતે ચહેરો ઢાંકવા પર પ્રતિબંધ મુકવામાં આવશે.

આ પણ વાંચો: મોદી સરકારે ખેડૂતોને આપી નવા વર્ષની ભેટ, હવે ખાતર પર મળશે વધુ સબસિડી

કયા સ્થળોએ બુરખા પ્રતિબંધમાં છૂટ છે?
સ્વિસ સરકારે બુરખા પર પ્રતિબંધ અંગે સ્પષ્ટતા કરી છે કે ચહેરો ઢાંકવા પરનો પ્રતિબંધ એરોપ્લેન અથવા રાજદ્વારી અને કોન્સ્યુલર પરિસરમાં લાગુ થશે નહીં. આ સિવાય ધાર્મિક સ્થળો અને અન્ય પવિત્ર સ્થળોએ પણ વ્યક્તિને પોતાનો ચહેરો ઢાંકવાની છૂટ આપવામાં આવશે.