ટાટ અને ટેટ પાસ ઉમેદવારોએ સોમવારે ગાંધીનગર ખાતે આંદોલન કરવાની ચીમકી ઉચ્ચારી
ફાઈલ ફોટો
ગાંધીનગર: ટાટ અને ટેટ પાસ ઉમેદવારોએ આંદોલનની ચીમકી ઉચ્ચારી છે. સોમવારે ગાંધીનગર ખાતે આંદોલન કરવાની ચીમકી આપી છે. 5 જેટલી પડતર માગો અને નિમણૂંકપત્રોને લઈ આંદોલનનું આહવાન કર્યુ છે. સોસિયલ મીડિયાના માધ્યમથી લોકોને આંદોલનમાં જોડાવવા આહવાન કર્યું છે.
ટેટ ટાટ ઉમેદવારોની મુખ્ય માગ:-
- શિક્ષણ સહાયક (9થી12)નું PML અને DV શેડ્યુલ પ્રસિદ્ધ કરો.
- ધોરણ 1થી8 વિદ્યા સહાયકમાં કેટેગરી અને વિષય મુજબ જગ્યાઓનું લીસ્ટ જાહેર કરો.
- અંદાજિત 5700 જૂના શિક્ષકો અને 1200 આચાર્યની બદલી કેમ્પના અંતે ખાલી પડતી જગ્યાઓ ચાલુ શિક્ષણ સહાયકમાં જગ્યા વધારારૂપે સામેલ કરવામાં આવે.
- ગત વર્ષ મંજૂર થયેલ 2750 વિદ્યા સહાયકને ચાલુ ભરતીમાં જગ્યા વધારારૂપે સામેલ કરવામાં આવે.
- ઉનાળુ વેકેશન પહેલા શિક્ષક ભરતીની તબ્બકાવાર સંપૂર્ણ ભરતી પ્રક્રિયા પૂર્ણ કરી નિમણૂકપત્રો એનાયત કરવામાં આવે.
