VIDEO: ટેક અબજોપતિએ રચ્યો ઇતિહાસ! અવકાશમાં કર્યું સ્પેસવોક
SpaceX: અબજોપતિ જેરેડ ઈસાકમેન (Jared Isaacman)ને ગુરુવારે (12 સપ્ટેમ્બર) સ્પેસવોક કરીને ઇતિહાસ રચ્યો. મહત્વની વાત એ છે કે આ સ્પેસવોકમાં નોન-પ્રોફેશનલ અવકાશયાત્રીઓએ પણ ભાગ લીધો હતો. આ સ્પેસવોકની ખાસ વાત એ છે કે છેલ્લા 50 વર્ષોમાં આ સૌથી વધુ ઉંચાઈનું સ્પેસવોક હતું. ફિનટેક અબજોપતિ જેરેડ ઇસાકમેનની આગેવાની હેઠળના SpaceX પોલારિસ ડોન મિશન (SpaceX Polaris Dawn mission)માં સિવિલિયન અવકાશયાત્રીઓએ પણ ભાગ લીધો હતો. તેણે લગભગ 1,400 કિલોમીટરની ઊંચાઈ હાંસલ કરી, જે ઇન્ટરનેશનલ સ્પેસ સ્ટેશન (ISS) કરતાં લગભગ ત્રણ ગણી વધારે છે.
ક્યારે લોન્ચ કરવામાં આવ્યું હતું?
સ્પેસએક્સ પોલારિસ ડોન મિશન મંગળવારે (10 સપ્ટેમ્બર) ફ્લોરિડામાં કેનેડી સ્પેસ સેન્ટરથી લોન્ચ કરવામાં આવ્યું હતું. સ્પેસએક્સના સહયોગથી, ઈસાકમેને પૃથ્વીથી સેંકડો માઇલ ઉપર આ અત્યંત સાહસિક કાર્ય કર્યું. જેનો એક વીડિયો SpaceX દ્વારા સોશિયલ મીડિયા પ્લેટફોર્મ X પર પણ શેર કરવામાં આવ્યો છે.
SpaceX and the Polaris Dawn crew have completed the first commercial spacewalk!
“SpaceX, back at home we all have a lot of work to do, but from here, Earth sure looks like a perfect world.” — Mission Commander @rookisaacman during Dragon egress and seeing our planet from ~738 km pic.twitter.com/lRczSv5i4k
— Polaris (@PolarisProgram) September 12, 2024
કેવી રીતે આ મુશ્કેલ કાર્ય પૂર્ણ કર્યું?
અહેવાલો અનુસાર, જેરેડ ઇસાકમેન અને તેમની ટીમે હેચ ખોલતા પહેલા તેમના કેપ્સ્યુલમાં દબાણ ઓછું થાય તે માટે લાંબા સમય સુધી રાહ જોઈ. આ સમય દરમિયાન, ટીમના ચારેય લોકોએ પોતાની જાતને શૂન્યાવકાશથી બચાવવા માટે સ્પેસએક્સના નવા સ્પેસવોકિંગ સૂટ પહેર્યા હતા.
સ્પેસવોક કેટલો સમય ચાલ્યો?
આ સ્પેસવૉકિંગ ટેસ્ટ લગભગ બે કલાક સુધી ચાલ્યો હતો જેમાં વૉકિંગ કરતાં વધુ સ્ટ્રેચિંગ કરવામાં આવ્યું હતું. યોજના એવી હતી કે જેરેડ ઇસાકમેન કેપ્સ્યુલમાંથી બહાર આવશે, પરંતુ તેણે આખો સમય કેપ્સ્યુલ સાથે તેના હાથ અથવા પગ જોડાયેલા રાખવા પડ્યા. તેના હાથ અને પગને વાળીને, તે જોવા માંગતો હતો કે નવો સ્પેસસૂટ કેવો છે. મદદ માટે હેચ પણ વોકર જેવી રચનાથી સજ્જ હતું.
આ પણ વાંચો: મમતા બેનર્જીનું મોટું નિવેદન: મને પદની કોઈ લાલસા નથી, લોકો માટે રાજીનામું આપવા તૈયાર…
સ્પેસવોક શું છે?
જ્યારે પણ અવકાશયાત્રી અવકાશમાં અવકાશયાનમાંથી બહાર નીકળે છે, ત્યારે તેને સ્પેસવોક કહેવામાં આવે છે. સ્પેસવોકને EVA એટલે કે એક્સ્ટ્રાવેહિક્યુલર એક્ટિવિટી પણ કહેવામાં આવે છે. જો કે, કેટલીકવાર તે ગંભીર સમસ્યાઓ તરફ દોરી શકે છે, તેથી તે અત્યંત સાવધાની સાથે કરવામાં આવે છે.
