અહો આશ્ચર્યમ્, ડ્રાઈવર વગર 84 કિલોમીટર સુધી દોડતી રહી ટ્રેન

Punjab News: પંજાબમાં આજે એક ખૂબ જ ચોંકાવનારી ઘટના સામે આવી છે. અહીં એક માલસામાનની ટ્રેન લગભગ 84 કિલોમીટર સુધી ડ્રાઈવર વગર દોડતી રહી હતી. આ ઘટનાને પગલે રેલવે વિભાગમાં ખળભળાટ મચી ગયો છે. સદનસીબે આ દરમિયાન કોઈ જાનહાનિ થઈ નથી. માહિતી અનુસાર આ ટ્રેન પંજાબના દસુહા શહેર પાસે રોકી દેવામાં આવી હતી. બીજી બાજુ આ ઘટનાને પગલે રેલવે વિભાગે આ ઘટનાના તપાસના આદેશ આપી દીધા છે. માહિતી અનુસાર જમ્મુ-કાશ્મીર (Jammu and Kashmir)ના કઠુઆ રેલ્વે સ્ટેશન (Kathua Railway Station) પર એક માલસામાન ટ્રેન અચાનક પઠાણકોટ તરફ આગળ વધી હતી. ઢાળના કારણે આ ટ્રેન ડ્રાઈવર વગર દોડવા લાગી હતી અને ત્યારબાદ ટ્રેન લગભગ 84 કિલોમીટર સુધી ડ્રાઈવર વગર દોડતી રહી હતી. આ ઘટનાને પગલે રેલવે અધિકારીઓમાં ખળભળાટ મચી ગયો હતો.

રેલ્વે વિભાગના ઘણા પ્રયત્નો પછી ટ્રેનને પંજાબના મુકેરિયામાં ઉંચી બસ્સી પાસે રોકી દેવામાં આવી હતી. જમ્મુના ડિવિઝનલ ટ્રાફિક મેનેજરનું કહેવું છે કે આ સમગ્ર મામલાની તપાસ શરૂ કરી દેવામાં આવી છે. મળતી માહિતી મુજબ આ ઘટના રવિવારે સવારે લગભગ 7.10 વાગ્યે બની હતી. જમ્મુના કઠુઆમાં ડ્રાઇવરે માલસામાન ટ્રેન નંબર 14806R રોકી હતી. જ્યાં ડ્રાઈવર ટ્રેનમાંથી નીચે ઉતરીને ચા પીવા ગયો હતો. આ દરમિયાન ટ્રેન અચાનક આગળ વધવા લાગી અને સ્પીડ પકડીને આગળ દોડવા લાગી હતી અને આ ટ્રેન લગભગ 84 કિલોમીટર સુધી ડ્રાઈવર વગર દોડતી રહી હતી.

BIG BREAKING 🚨

A goods train ran 78 KM without a driver from Kathua in Jammu and Kashmir. In Hoshiarpur, Punjab, it was stopped by installing wooden stoppers.

Actually, at Kathua, the driver got down from the start engine without applying hand brake. Due to the slope, the… pic.twitter.com/OQgUkxAgF5

— Ashish Singh (@AshishSinghKiJi) February 25, 2024

બીજી બાજુ કઠુઆ રેલ્વે સ્ટેશન નજીકના સૂત્રોનું કહેવું છે કે માલગાડી કોંક્રીટ લઇને જઇ રહી હતી. આ કોંક્રિટ કઠુઆથી ટ્રેનમાં લોડ કરવામાં આવી હતી. જ્યારે ડ્રાઈવર અને કો-ડ્રાઈવર ચા પીવા માટે રોકાયા ત્યારે એન્જિન ચાલુ હતું. સવારે 7:10 કલાકે અચાનક ટ્રેન ચાલુ થઈ ગઈ હતી. જાણકારી અનુસાર ડ્રાઈવરે ટ્રેનમાંથી ઉતરતા પહેલા હેન્ડબ્રેક ખેંચી ન હતી.

જ્યારે ડ્રાઈવરે ટ્રેનને જતી જોઈ તો તેના હોશ ઉડી ગયા
ટ્રેન ચાલુ થતાં ડ્રાઈવરના હોશ ઉડી ગયા હતા ત્યારબાદ આ ઘટનાની માહિતી રેલવેના ઉચ્ચ અધિકારીઓને આપવામાં આવી હતી. રેલ્વે વિભાગ દ્વારા આ ટ્રેનને રોકવાના પ્રયાસો કરવામાં આવ્યા હતા. ઘણા પ્રયત્નો નિષ્ફળ પણ ગયા હતા. અધિકારીના જણાવ્યા અનુસાર પેસેન્જર ટ્રેનના ડ્રાઇવરો અને કર્મચારીઓ દ્વારા આ ટ્રેનને દસુહા નજીક ઉચી બસ્તી વિસ્તારમાં રોકી દીધી હતી. જોકે ત્યાં સુધીમાં ટ્રેને 84 કિલોમીટરનું અંતર કાપ્યું હતું. સદનસીબે આ પાટા પર સામે કોઇ બીજી ટ્રેન ન હતી, નહીંતર મોટી દુર્ઘટના થઈ શકી હોત. આ ઘટનામાં કોઈ જાનહાની કે જાનમાલના નુકસાનના અહેવાલ સામે આવ્યા નથી. રેલવેએ આ મામલે તપાસના આદેશ આપ્યા છે અને કારણ જાણવા માટે ફિરોઝપુરથી એક ટીમ મોકલવામાં આવી છે.