Virat Kohliને USA પહોંચતા મળ્યો આ એવોર્ડ, ICCએ વીડિયો શેર કર્યો
T20 World Cup 2024 રમવા માટે વિરાટ અમેરિકા પહોંચી ગયો છે. ત્યારે તેને ICC દ્વારા ખાસ એવોર્ડ આપવામાં આવ્યો છે. કારણ કે વર્ષ 2023માં ODI ફોર્મેટમાં વિરાટનું પ્રદર્શન જોરદાર જોવા મળ્યું હતું.
એવોર્ડ આપવામાં આવ્યો
ભારતીય ટીમ T20 વર્લ્ડ કપ 2024માં ભાગ લેવા અમેરિકા પહોંચી ગઈ છે. મેચની પ્રેક્ટિસ પણ 1 જૂનથી શરૂ કરી દીધી છે. જોકે તેમા વિરાટ કોહલીએ ભાગ લીધો ના હતો. યુએસ પહોંચ્યા પછી વિરાટ કોહલીને ICC દ્વારા ODI પ્લેયર ઓફ ધ યર 2023 નો એવોર્ડ આપવામાં આવ્યો છે. વિરાટને કેપ સાથે ટ્રોફી આપવામાં આવી હતી. વિરાટ કોહલીએ ODI ફોર્મેટમાં બેટથી શાનદાર પ્રદર્શન કર્યું છે.
આ પણ વાંચો: T20 World Cupના ઈતિહાસમાં પહેલી મેચ જીતી અમેરિકાની ટીમ, આ ખેલાડીઓનો મોટો ફાળો
View this post on Instagram
એવોર્ડ જીત્યો
વિરાટે 27 મેચ રમી હતી અને 72.47ની એવરેજથી 1377 રન બનાવ્યા હતા, જેમાં 6 સદી અને 8 અડધી સદી સામેલ હતી. આ સમયગાળા દરમિયાન કોહલીએ વનડેમાં તેની 50મી સદી ફટકારીને સચિન તેંડુલકરનો 49 સદીનો રેકોર્ડ તોડ્યો હતો. આંતરરાષ્ટ્રીય કારકિર્દીમાં ત્રીજી વખત ICC ODI પ્લેયર ઓફ ધ યરનો એવોર્ડ જીત્યો છે. ICC દ્વારા આ એવોર્ડનો વીડિયો પણ શેર કરવામાં આવ્યો છે.
તમામની નજર વિરાટ પર
T20 વર્લ્ડમાં કોહલીના પ્રદર્શન પર તમામ લોકોની નજર છે. બેટિંગ સાથે તેનું પ્રદર્શન ખુબ શાનદાર જોવા મળ્યું હતું. તમને જણાવી દઈએ કે કોહલી હાલમાં T20 વર્લ્ડ કપના ઈતિહાસમાં સૌથી વધુ રન બનાવનાર બેટ્સમેન છે, તેણે 27 મેચમાં 81.50ની એવરેજથી 1141 રન બનાવ્યા છે.
