ઠંડી…ગરમી…ધુમ્મસ…વરસાદ…. દિલ્હીમાં હવામાને બદલ્યો મિજાજ, હવામાને શું કરી આગાહી?
Delhi: રાજધાનીમાં હવામાનનો મિજાજ અચાનક બદલાઈ ગયો છે. સામાન્ય રીતે જાન્યુઆરીમાં ખૂબ જ ઠંડી હોય છે, પરંતુ આ વર્ષે લોકો આ મહિનામાં ગરમી અનુભવી રહ્યા છે. રવિવારે બપોરે પરિસ્થિતિ એવી હતી કે લોકોને ગરમીનો અનુભવ થઈ રહ્યો હતો. હવામાન વિભાગના જણાવ્યા અનુસાર, સોમવારે પણ આવું જ હવામાન રહેવાની સંભાવના છે.આજે સવારે હળવું ધુમ્મસ હતું અને ઠંડા પવનો ફૂંકાયા હતા. IMD એ 21 જાન્યુઆરીએ પણ દિલ્હીમાં હળવા ધુમ્મસની શક્યતા વ્યક્ત કરી છે. જોકે, આ પછી દિલ્હીનું હવામાન બદલાઈ શકે છે. 22 અને 23 જાન્યુઆરી માટે વરસાદની ચેતવણી જારી કરવામાં આવી છે. આજે એટલે કે સોમવારે દિલ્હીમાં લઘુત્તમ તાપમાન 11 ડિગ્રી સેલ્સિયસ અને મહત્તમ તાપમાન 26 ડિગ્રી સેલ્સિયસ છે.
22 અને 23 જાન્યુઆરીએ પંજાબ, હરિયાણા, ચંદીગઢ, ઉત્તર રાજસ્થાન અને પશ્ચિમ ઉત્તર પ્રદેશમાં ગાજવીજ સાથે વરસાદ પડવાની શક્યતા છે. ઉત્તર-પૂર્વ દિશાના ભારે પવનોને કારણે, 19 અને 20 તારીખે તમિલનાડુ, પુડુચેરી અને કેરળમાં છૂટાછવાયા સ્થળોએ વાવાઝોડા અને વીજળી પડવાની શક્યતા છે.
આ પણ વાંચો: Bigg Boss 18 Winner: કરણવીરે વિવિયનને ચટાડી ધૂળ… બન્યો Bigg Boss 18નો વિજેતા
છેલ્લા 24 કલાક દરમિયાન પૂર્વી મધ્યપ્રદેશ, છત્તીસગઢ, વિદર્ભ, તેલંગાણા, ઓડિશા, પશ્ચિમ બંગાળના મેદાની વિસ્તારોમાં લઘુત્તમ તાપમાનમાં 1-3 ડિગ્રી સેલ્સિયસનો ઘટાડો થયો છે. પશ્ચિમ મધ્યપ્રદેશના કેટલાક ભાગોમાં 3-6 ડિગ્રી સેલ્સિયસનો વધારો થયો છે. જોકે, આગામી 3 દિવસ દરમિયાન ઉત્તરપશ્ચિમ ભારતના મેદાની વિસ્તારોમાં લઘુત્તમ તાપમાનમાં 2-3°Cનો ધીમે ધીમે વધારો થવાની શક્યતા છે, અને ત્યારબાદ કોઈ ખાસ ફેરફાર થશે નહીં.
