Weather Update : દિલ્હી-NCRમાં ધુમ્મસ, 10 રાજ્યોમાં વરસાદ અને હિમવર્ષાનું એલર્ટ જાહેર
સમગ્ર દેશ આજે ગાઢ ધુમ્મસની લપેટમાં છે. દિલ્હી-NCR સહિત સમગ્ર ઉત્તર ભારતમાં ઠંડીનું મોજું યથાવત છે. લોકો બોનફાયર પ્રગટાવીને ઠંડીથી પોતાને બચાવી રહ્યા છે. આજે સવારે દિલ્હી-NCRમાં ગાઢ ધુમ્મસ છવાયું હતું. લઘુત્તમ તાપમાન 8 ડિગ્રી નોંધાયું હતું. મહત્તમ તાપમાન 17 ડિગ્રીની આસપાસ રહેવાની શક્યતા છે. હવામાન વિભાગે 28 જાન્યુઆરી સુધી ગાઢ ધુમ્મસ યથાવત રહેવાની આગાહી કરી છે.
વરસાદ અને કોલ્ડવેવનું ઓરેન્જ એલર્ટ
ભારતીય હવામાન વિભાગે (IMD) જણાવ્યું કે, ઉત્તર ભારતમાં આગામી 4 દિવસ સુધી ગાઢ ધુમ્મસની સ્થિતિ યથાવત રહેવાની શક્યતા છે. ઉત્તર ભારતના ઘણા શહેરોમાં આગામી 2 દિવસ સુધી ઠંડીનો ચમકારો રહેશે. આ પછી, તાપમાનમાં વધારો અને ઠંડીમાં ઘટાડો જોવા મળશે. હવામાન વિભાગે કહ્યું કે, 25 થી 28 જાન્યુઆરી સુધી પશ્ચિમ હિમાલય વિસ્તારમાં હળવો વરસાદ અથવા હિમવર્ષા થવાની સંભાવના છે. હવામાન વિભાગે હિમાચલ પ્રદેશ, ઉત્તરાખંડ, પંજાબ, હરિયાણા, ચંદીગઢ, ઉત્તર પ્રદેશના અનેક શહેરોમાં શીત લહેર આવવાની સંભાવના વ્યક્ત કરી છે. કોલ્ડ વેવને કારણે 25 થી 27 જાન્યુઆરી સુધી ‘ઓરેન્જ એલર્ટ’ જાહેર કરવામાં આવ્યું છે. ઉત્તર ભારતમાં ધુમ્મસના કારણે ટ્રેનો અને ઘણી ફ્લાઈટ મોડી પડી રહી છે. ખરાબ હવામાનને કારણે કેટલીક ફ્લાઈટને ડાયવર્ટ પણ કરવામાં આવી છે.
#WATCH | People sit around the bonfire to keep themselves warm as the cold wave continues in Delhi.
(Visuals from Barakhamba Road shot at 6.30 am) pic.twitter.com/DypyHGbvrr
— ANI (@ANI) January 25, 2024
28 જાન્યુઆરી સુધી રાહતની કોઈ શક્યતા નથી
ભારતીય હવામાન વિભાગ (IMD)ના જણાવ્યા અનુસાર, વેસ્ટર્ન ડિસ્ટર્બન્સ સક્રિય થઈ રહ્યું છે. આવી સ્થિતિમાં હિમાલયના વિસ્તારોમાં 25 થી 28 જાન્યુઆરી સુધી હિમવર્ષા અને વરસાદની સંભાવના છે. 26 થી 28 જાન્યુઆરી સુધી પશ્ચિમ બંગાળ, દક્ષિણ ઝારખંડ, છત્તીસગઢ, તેલંગાણા, આંધ્રપ્રદેશ, ઓડિશા, પશ્ચિમ બંગાળ, સિક્કિમમાં 2 થી 3 દિવસ સુધી હળવો વરસાદ પડી શકે છે. આંદામાન અને નિકોબાર ટાપુઓમાં હળવાથી મધ્યમ વરસાદની શક્યતા છે. 28 જાન્યુઆરી સુધી પહાડી વિસ્તારોમાં વરસાદને કારણે દિલ્હી, પંજાબ, હરિયાણા, ચંદીગઢ, ઉત્તર પ્રદેશમાં ગાઢ ધુમ્મસ રહેશે. બિહારમાં 28 જાન્યુઆરી સુધી ઠંડીનું મોજું તબાહી મચાવશે. લઘુત્તમ તાપમાનમાં 2 થી 3 ડિગ્રીનો ઘટાડો થઈ શકે છે.
આ પણ વાંચો : PM મોદી અને ઈમેન્યુઅલ મેક્રોન આજે જયપુરમાં રોડ શો કરશે, દ્વિપક્ષીય મુદ્દાઓ પર થશે વાતચીત
6 રાજ્યોમાં આવું રહેશે હવામાન
હવામાન વિભાગના જણાવ્યા અનુસાર, 26 થી 28 જાન્યુઆરી દરમિયાન ઉત્તર પ્રદેશના કેટલાક વિસ્તારોમાં રાત્રિ અને સવારના સમયે ખૂબ ગાઢ ધુમ્મસ રહેવાની સંભાવના છે. પશ્ચિમ રાજસ્થાનમાં 24 અને 25 જાન્યુઆરી 2024ના રોજ રાત્રે અને સવારના સમયે ગાઢ ધુમ્મસ થઈ શકે છે. 26 જાન્યુઆરીએ પંજાબના કેટલાક વિસ્તારોમાં ખૂબ જ ઠંડી રહેશે. કોલ્ડવેવથી લઈને તીવ્ર કોલ્ડવેવની શક્યતા છે. 24 અને 25 જાન્યુઆરીએ હરિયાણા-ચંદીગઢના અલગ-અલગ વિસ્તારોમાં શીત લહેર આવી શકે છે. બિહારના કેટલાક વિસ્તારોમાં 26-28 જાન્યુઆરીની રાત્રિ અને સવારના કલાકો દરમિયાન ગાઢથી ખૂબ ગાઢ ધુમ્મસની અપેક્ષા છે. ઉત્તર મધ્ય પ્રદેશ, હિમાચલ પ્રદેશ, ઉત્તરાખંડ, પશ્ચિમ બંગાળ, આસામ, મેઘાલય, મણિપુર, મિઝોરમ, ત્રિપુરામાં પણ તીવ્ર ઠંડી પડશે અને ગાઢ ધુમ્મસ રહેશે.
