છૂટાછેડા બાદ કયા રહેશે હેમા માલિનીની દીકરી ઈશા

મુંબઈ: ધર્મેન્દ્ર અને હેમા માલિનીની પુત્રી ઈશા દેઓલ અને બિઝનેસમેન ભરત તખ્તાનીના છૂટાછેડાની સમાચારે ઘણા લોકોને આશ્ચર્યચકિત કર્યા છે. ઈશા દેઓલ અને ભરત તખ્તાનીએ 6 ફેબ્રુઆરી, 2024ના રોજ સંયુક્ત નિવેદન જારી કરીને તેમના 11 વર્ષના લગ્નજીવનનો અંત લાવ્યો હતો. એક અહેવાલ મુજબ, દંપતીએ તેમની પુત્રીઓ રાધ્યા અને મીરાયાની ભલાઇને ધ્યાનમાં રાખીને તેમના જીવનમાં મોટો નિર્ણય લેવાનું સ્વીકાર્યું. તમને જણાવી દઈએ કે ઈશા અને ભરતની લવ સ્ટોરી સ્કૂલમાં શરૂ થઈ હતી. જો રિપોર્ટ્સનું માનીએ તો છેલ્લા ઘણા સમયથી તેમનું લગ્નજીવન સારું ચાલી રહ્યું ન હતું.

લગ્ન બાદ ઈશા દેઓલ તેના પતિ ભરત તખ્તાની અને બે પુત્રીઓ સાથે બાંદ્રા સ્થિત ઘરમાં રહેતી હતી, પરંતુ છૂટાછેડા પછી હવે તે ક્યાં રહેશે? જો કે હજુ સુધી આ અંગે કોઈ માહિતી સામે આવી નથી. પરંતુ થોડા દિવસો પહેલા આવેલા એક રિપોર્ટ અનુસાર, પતિથી અલગ થયા બાદ ઈશા દેઓલ તેની માતા અને અભિનેત્રી હેમા માલિનીના જુહુના બંગલામાં શિફ્ટ થવાની તૈયારી કરી રહી છે.

શું ઈશા દેઓલ હેમા માલિનીના ઘરમાં રહેશે?

તમને જણાવી દઈએ કે હેમા માલિનીના જુહુમાં આવેલા બંગલાનું નામ અનોખું છે. હેમા માલિનીનો આ બંગલો ઘણો મોટો અને આલીશાન છે, જેને અભિનેત્રીએ પોતે સજાવ્યો છે. હેમા માલિનીએ આ ઘરને ઘણી નટરાજની મૂર્તિઓ અને તેમના વિવિધ નૃત્ય પ્રદર્શનના ફોટોગ્રાફ્સથી શણગાર્યું છે. જુહુમાં હેમા માલિનીના ઘરમાં ઘણી હરિયાળી છે કારણ કે તેમાં ઘણા છોડ લગાવવામાં આવ્યા છે. આ ઘરમાં હેમા માલિની, ધર્મેન્દ્ર, ઈશા દેઓલ અને આહાના દેઓલના ઘણા પરિવારના તસવીરો પણ રાખવામાં આવી છે. આ સાથે ઘરમાં હેમા માલિનીને મળેલી ટ્રોફીનું અદ્ભુત કલેક્શન પણ છે.

છૂટાછેડા કેમ થયા?

રિપોર્ટ અનુસાર, બીજા દીકરીના જન્મ પછી ભરત તખ્તાની ગુસ્સે થવા લાગ્યો હતો. ઈશા દેઓલે 2020માં રિલીઝ થયેલી તેની બુક ‘અમ્મા મિયા’માં કહ્યું હતું કે જ્યારે તેની બીજી દીકરી મિરાયાનો જન્મ થયો ત્યારે ભરત ખૂબ જ ચિડાઈ ગયો હતો. તેણીએ આ પુસ્તકમાં આગળ લખ્યું હતું કે ભરતને લાગ્યું કે હું તેના પર ધ્યાન નથી આપી રહી. પતિને આવું લાગે તે સામાન્ય છે, કારણ કે તે સમયે હું રાધ્યાના અભ્યાસમાં અને મીરાયાની સંભાળ રાખવામાં ખૂબ વ્યસ્ત હતી. આને પણ કપલના છૂટાછેડાનું કારણ માનવામાં આવી રહ્યું છે. જોકે, હજુ સુધી ઈશા કે ભરત દ્વારા છૂટાછેડાનું કારણ સત્તાવાર રીતે આપવામાં આવ્યું નથી.