‘સેવા’ કાર્યનો સંકલ્પ: પુત્રના લગ્ન પર ગૌતમ અદાણીનું રૂ.10 હજાર કરોડનું દાન

Gautam Adani Son: ભારતના અગ્રણી ઉદ્યોગપતિ ગૌતમ અદાણીના નાના પુત્ર જીત અદાણી અને દિવા શાહના લગ્ન પૂર્ણ થયા છે. બંનેના લગ્ન આજે ગુજરાતના અમદાવાદમાં થયા. લગ્ન પછી ગૌતમ અદાણીએ તેમના પુત્ર જીત અને પુત્રવધૂ દિવા સાથેની તસવીરો પણ શેર કરી છે. ગૌતમ અદાણીએ કહ્યું છે કે તે એક નાનો અને ખૂબ જ ખાનગી સમારોહ હતો.

परमपिता परमेश्वर के आशीर्वाद से जीत और दिवा आज विवाह के पवित्र बंधन में बंध गए।

यह विवाह आज अहमदाबाद में प्रियजनों के बीच पारंपरिक रीति रिवाजों और शुभ मंगल भाव के साथ संपन्न हुआ।

यह एक छोटा और अत्यंत निजी समारोह था, इसलिए हम चाह कर भी सभी शुभचिंतकों को आमंत्रित नहीं कर सके,… pic.twitter.com/RKxpE5zUvs

— Gautam Adani (@gautam_adani) February 7, 2025

ગૌતમ અદાણીએ શું કહ્યું?
ઉદ્યોગપતિ ગૌતમ અદાણીએ X પર તેમની પત્ની, પુત્ર અને પુત્રવધૂ સાથેની એક તસવીર શેર કરી અને લખ્યું- પરમપિતા પરમેશ્વરના આશીર્વાદથી જીત અને દિવા આજે લગ્નના પવિત્ર બંધનમાં બંધાયા. લગ્ન આજે અમદાવાદમાં પરંપરાગત વિધિઓ અને શુભકામનાઓ સાથે પ્રિયજનો વચ્ચે થયા હતા. આ એક નાનો અને અત્યંત ખાનગી કાર્યક્રમ હતો, તેથી અમે ઈચ્છતા હોવા છતાં બધા શુભેચ્છકોને આમંત્રણ આપી શક્યા નહીં, જેના માટે હું માફી માંગુ છું. હું તમારા બધા પાસેથી દીકરી દિવા અને જીત માટે હૃદયપૂર્વકનો પ્રેમ અને આશીર્વાદ માંગુ છું.”

મંગલ સેવાનો સંકલ્પ
આ પહેલા 5 ફેબ્રુઆરીના રોજ ગૌતમ અદાણીએ કહ્યું હતું કે, “મારો પુત્ર જીત અને પુત્રવધૂ દિવા એક પવિત્ર સંકલ્પ સાથે પોતાના લગ્ન જીવનની શરૂઆત કરી રહ્યા છે તે ખૂબ જ આનંદની વાત છે. જીત અને દિવાએ દર વર્ષે 500 વિકલાંગ બહેનોના લગ્નમાં દરેક બહેનને 10 લાખ રૂપિયાની આર્થિક સહાય આપીને ‘મંગલ સેવા’નો સંકલ્પ લીધો છે. એક પિતા તરીકે, આ ‘મંગલ સેવા’ મારા માટે ખૂબ જ સંતોષ અને સૌભાગ્યની વાત છે. મને પૂર્ણ વિશ્વાસ છે કે આ પવિત્ર પ્રયાસ દ્વારા, ઘણી અપંગ દીકરીઓ અને તેમના પરિવારોનું જીવન સુખ, શાંતિ અને સન્માન સાથે આગળ વધશે. હું પ્રભુને પ્રાર્થના કરું છું કે જીત અને દિવાને સેવાના આ માર્ગ પર આગળ વધવા માટે આશીર્વાદ અને શક્તિ આપે.”

#WATCH | Adani Group chairman, Gautam Adani's son Jeet Adani gets married to Diva in a private ceremony in Gujarat's Ahmedabad pic.twitter.com/6E4hsbmizf

— ANI (@ANI) February 7, 2025

પુત્રના લગ્ન પર ગૌતમ અદાણીનું રૂ.10 હજાર કરોડનું દાન
ગૌતમ અદાણીએ પુત્રના લગ્ન પર રૂ.10 હજાર કરોડનું દાન આપ્યું છે. ગૌતમ અદાણીએ સામાજિક કાર્ય માટે 10,000 કરોડ રૂપિયાનું દાન આપીને ‘સેવા’ કરવાનો સંકલ્પ લીધો હતો. દાનનો મોટો ભાગ હેલ્થકેર, એજ્યુકેશન અને સ્કિલ ડેવલોપમેન્ટ પર ખર્ચ થશે. અદાણી સમૂહનો આ પ્રયાસ સમાજના બધા વર્ગોને સસ્તામાં વિશ્વ સ્તરીય હોસ્પિટલો અને મેડિકલ કોલેજોની સુવિધા ઉપલબ્ધ કરાવવા પર કેન્દ્રીત છે. આ સિવાય 12 સ્કૂલો અને રોજગાર ક્ષમતાની સાથે અપગ્રેડેડ ગ્લોબલ સ્કિલ એકેડમીના નેટવર્ક સુધી પહોંચવાનો પ્રયાસ કરવામાં આવશે.

જાણો જીત અદાણી વિશે
જીત અદાણી ઉદ્યોગપતિ ગૌતમ અદાણીના નાના પુત્ર છે. તેઓ હાલમાં અદાણી એરપોર્ટ હોલ્ડિંગ્સના ડિરેક્ટર છે. તેઓ છ આંતરરાષ્ટ્રીય એરપોર્ટનું સંચાલન કરે છે અને નવી મુંબઈમાં સાતમા એરપોર્ટના નિર્માણની દેખરેખ રાખી રહ્યા છે. જીત અદાણીએ પેન્સિલવેનિયા યુનિવર્સિટીના સ્કૂલ ઓફ એન્જિનિયરિંગ એન્ડ એપ્લાઇડ સાયન્સમાં અભ્યાસ કર્યો હતો. દિવા શાહ દેશના જાણીતા હીરા ઉદ્યોગપતિ જૈમિન શાહની પુત્રી છે. જૈમિન શાહની કંપની મુંબઈ અને સુરતમાં વ્યવસાય કરે છે. જીત અને દિવાની સગાઈ માર્ચ, 2023માં થઈ હતી.