માનવ ઈતિહાસમાં સૌથી ગરમ રહ્યું વર્ષ 2024, યુરોપિયન ક્લાઈમેટ એજન્સીનો મોટો દાવો
Summer 2024: યુરોપની જળવાયું એજન્સી કોપરનિકસે દાવો કર્યો છે કે આ ઉનાળા દરમિયાન પૃથ્વીનું તાપમાન સૌથી વધુ હતું. એજન્સીનું કહેવું છે કે આ વર્ષ માનવતાના ઈતિહાસનું સૌથી ગરમ વર્ષ હતું. વૈજ્ઞાનિકોનું કહેવું છે કે આ રેકોર્ડબ્રેક ગરમી માનવીય પરિબળોને કારણે બદલાઈ છે, જેમાં ક્લાઈમેટ ચેન્જ, અલ નીનો ઈફેક્ટ અને હવામાનમાં ફેરફારનો સામેલ છે.
ગયા વર્ષની સરખામણીએ આ વર્ષે સરેરાશ તાપમાન વધુ
કોપરનિકસ અનુસાર, જૂન, જુલાઈ અને ઓગસ્ટમાં સરેરાશ તાપમાન 16.8 °C (62.24 °F) હતું. આ 2023 ના અગાઉના રેકોર્ડ કરતાં 0.03 ડિગ્રી સેલ્સિયસ (0.05 ડિગ્રી ફેરનહીટ) વધુ ગરમ છે. કોપરનિકન રેકોર્ડ્સ 1940 સુધીનો જ છે, પરંતુ અમેરિકન, બ્રિટિશ અને જાપાનીઝ રેકોર્ડ્સ, જે 19મી સદીના મધ્યમાં શરૂ થાય છે, તે દર્શાવે છે કે છેલ્લા એક દાયકામાં સરેરાશ તાપમાન સૌથી વધુ ગરમ રહ્યું છે. વૈજ્ઞાનિકોનું માનવું છે કે છેલ્લા 1,20,000 વર્ષોમાં આ સૌથી વધુ તાપમાન છે.
આ પણ વાંચો: ‘મને પણ ઑફર મળી હતી…’, બજરંગ-વિનેશના રાજકારણમાં પ્રવેશ પર સાક્ષી મલિકનું નિવેદન
ગત વર્ષે પણ તાપમાન ખૂબ જ ઉંચુ હતું
કોપરનિકસના ડિરેક્ટર કાર્લો બુઓન્ટેમ્પોએ જણાવ્યું હતું કે, વર્ષ 2024 અને 2023માં ઓગસ્ટ મહિના દરમિયાન સરેરાશ તાપમાન 16.82 ડિગ્રી સેલ્સિયસ હતું. જે વૈશ્વિક તાપમાનની બરાબર છે. વૈજ્ઞાનિકોનું કહેવું છે કે ડેટા દર્શાવે છે કે કેવી રીતે ક્લાઈમેટ ચેન્જ આપણા પર તેની પકડ મજબૂત કરી રહ્યું છે. આ પહેલા ગત વર્ષ એટલે કે 2023 પણ સરેરાશ ખૂબ જ ગરમ રહ્યું હતું અને એવી ચર્ચા હતી કે 2023 પૃથ્વી પરનું સૌથી ગરમ વર્ષ હશે કે કેમ? પરંતુ હવે 2024ના ડેટા સામે આવ્યા બાદ એ સ્પષ્ટ થઈ ગયું છે કે આ વર્ષ વધુ ગરમ રહેશે. પૃથ્વી પરનું સૌથી ગરમ વર્ષ રહ્યું.
મીડિયા રિપોર્ટ્સ અનુસાર, ક્લાઈમેટોલોજિસ્ટ જોનાથન ઓવરપેકનું કહેવું છે કે અમેરિકાના એરિઝોનામાં આ વર્ષે 100 દિવસથી વધુ તાપમાન 37.8 ડિગ્રી સેલ્સિયસથી વધુ રહ્યું. આ ઉપરાંત હિટ વેવ, ભારે વરસાદ અને પૂર જેવી ઘટનાઓમાં પણ વધારો થયો છે. તેમણે કહ્યું કે જળવાયુ પરિવર્તનની અવગણના કરવી મોંઘી સાબિત થઈ શકે છે.
