May 22, 2024

જૂતા અને અંડરગારમેન્ટમાં છુપાવેલુ કરોડો રૂપિયાનું સોનું DRI ટીમે એરપોર્ટ પર પકડ્યું

Gold Smuggling: ડિરેક્ટોરેટ ઓફ રેવન્યુ ઈન્ટેલિજન્સ (DRI)એ વિદેશથી દાણચોરી કરીને આવેલા લગભગ 5 કિલો સોના સાથે એક વ્યક્તિની ધરપકડ કરી છે. ડીઆરઆઈએ મંગળવારે રાત્રે ઈન્દોર એરપોર્ટ પર કાર્યવાહી કરી હતી. શારજાહથી આવી રહેલી ફ્લાઈટ નંબર IX-256માંથી એક વ્યક્તિ સોનું લઈને ઈન્દોર એરપોર્ટ પર ઉતર્યો હતો. ડીઆરઆઈને ગુપ્ત માહિતી મળી હતી. જેના આધારે કાર્યવાહી કરવામાં આવી હતી. દાણચોરીના સોના સાથે ધરપકડ કરવામાં આવી છે. આ વ્યક્તિ મૂળ ગુજરાતનો હોવાનું કહેવાય છે. ડીઆરઆઈના જણાવ્યા અનુસાર, ફ્લાઈટમાંથી ઉતર્યા બાદ શંકાના આધારે વ્યક્તિને એક્ઝિટ લોબીમાં રોકીને પૂછપરછ કરવામાં આવી હતી.

આ પણ વાંચો: સુરતની કોલેજમાં વિદ્યાર્થિનીઓની ટી-શર્ટ ઉંચી કરાવતા મસમોટો હોબાળો

જૂતાના તળિયામાં સોનું છુપાયેલું હતું
ગુપ્ત માહિતીના આધારે સઘન પૂછપરછ દરમિયાન વ્યક્તિએ સોનું લાવ્યો હોવાની કબૂલાત કરી હતી. તપાસ દરમિયાન તેની પાસેથી કુલ 4.94 કિલો સોનું મળી આવ્યું હતું. સોનાને છુપાવવા માટે તેણે તેને પેસ્ટમાં ફેરવી દીધું હતું. તેણે આ સોનું તેના અંડરવેરમાં અને તેના શૂઝના તળિયામાં છુપાવ્યું હતું. સોનું જપ્ત કરવા સાથે સંબંધિત વ્યક્તિની કસ્ટમ એક્ટ 1962 હેઠળ ધરપકડ કરવામાં આવી છે. વધુ તપાસ ચાલી રહી છે, આ વ્યક્તિ કઈ ગેંગ માટે કેરિયર તરીકે કામ કરે છે તેની તપાસ કરવામાં આવી રહી છે. ડીઆરઆઈ આ કેસમાં માહિતી આપનાર વ્યક્તિને ઈનામ પણ આપી રહી છે.

આ પણ વાંચો: AAPને વધુ એક ઝટકો, સરકારના મંત્રી રાજકુમાર આનંદનું રાજીનામું

મોંઘવારી સાથે દાણચોરી વધશે
ડીઆરઆઈ અને કસ્ટમ્સ જેવી કેન્દ્રીય એજન્સીઓને ડર છે કે આગામી દિવસોમાં સોનાની દાણચોરીના કિસ્સાઓ વધશે. હકીકતમાં સોનાના ભાવ અત્યાર સુધીના ઉચ્ચ સ્તરે પહોંચી ગયા છે. બુધવારે ભારતીય બજારોમાં સોનું 73 હજાર રૂપિયા પ્રતિ દસ ગ્રામના ભાવે વેચાઈ રહ્યું હતું. ટેક્સ-ડ્યુટીના કારણે દુબઈ અને ઈન્દોરમાં સોનાની કિંમતમાં પ્રતિ દસ ગ્રામ લગભગ 8 હજાર રૂપિયાનો તફાવત છે. આવી સ્થિતિમાં દાણચોરો ઊંચા ભાવ અને નફાને જોતા વિદેશથી વધુ સોનું લાવવાનો પ્રયાસ કરશે. ડીઆરઆઈએ જાહેરાત કરી છે કે જે કોઈ પણ સોના, ડ્રગ્સ વગેરેની દાણચોરી વિશે માહિતી આપશે તેને ઈનામ આપવામાં આવશે. રિકવરીના આધારે તેને રોકડ પુરસ્કાર આપવામાં આવશે.