શહેરી વિકાસ વિભાગ અંતર્ગત શહેરી ગૃહ નિર્માણ વિભાગ માટે કુલ 30,325 કરોડની જોગવાઈ

Gujarat Budget 2025: નાણામંત્રી કનુ દેસાઈએ વિધાનસભામાં આજે વર્ષ 2025-26 માટે બજેટ રજૂ કર્યું હતું. તેમાં દરેક વિભાગની જાહેરાત કરવામાં આવી છે. આવો જાણીએ શહેરી વિકાસ વિભાગ માટે શું જાહેરાત કરવામાં આવી છે.

• અમારી સરકાર નાગરિકોને કેન્‍દ્રમાં રાખી સ્માર્ટ, સ્વચ્છ, સુંદર અને આધુનિક સમયને અનુરૂપ પસંદગીના શહેરો બનાવવા માટે પ્રતિબદ્ધ છે.
• શહેરી માળખાગત સુવિધાઓ માટેની અગત્યની સ્વર્ણિમ જયંતિ મુખ્યમંત્રી શહેરી વિકાસ યોજના માટેની જોગવાઇ 8,883 કરોડથી વધારીને 12,847 કરોડ કરવામાં આવી છે.
• શહેરી સ્થાનિક સ્વરાજ્ય સંસ્થાઓને નાણાકીય સહાય પૂરી પાડવા માટે 3353 કરોડની જોગવાઈ.
• ગુજરાત મેટ્રો રેલ પ્રોજેક્ટ્સ માટે 2730 કરોડની જોગવાઈ.
• અમૃત 2.0 મિશન હેઠળ પાણી પુરવઠા, ડ્રેનેજ સિસ્ટમ, તળાવોના વિકાસ, પરિવહન વ્યવસ્થા વગેરે માટે 1950 કરોડની જોગવાઈ.
• શહેરોમાં વિવિધ વિકાસ કાર્યો માટે 15મા નાણાપંચ હેઠળ 1376 કરોડની જોગવાઈ.
• પ્રધાનમંત્રી આવાસ યોજના(શહેરી) અને પ્રધાનમંત્રી આવાસ યોજના(શહેરી) 2.0 હેઠળ શહેરી ગરીબોને આવાસ પૂરા પાડવા માટે 1350 કરોડની જોગવાઇ.
• અમદાવાદ મ્યુનિસિપલ કોર્પોરેશન માટે ગુજરાત રેઝિલિયન્ટ સિટીઝ પાર્ટનરશિપ પ્રોગ્રામ માટે અને અમદાવાદ શહેરી વિકાસ સત્તામંડળ વિસ્તાર માટે પેરી-અર્બન લિવેબિલિટી ઇમ્પ્રૂવમેન્ટ પ્રોજેક્ટ હેઠળ બાહ્ય ભંડોળ માટે 1000 કરોડની જોગવાઈ.
• સ્વચ્છ ભારત મિશન 2.0 અને નિર્મળ ગુજરાત 2.0 જેવી યોજનાઓ સાથે “સ્વચ્છ શહેર, સુંદર શહેર” યોજના અંતર્ગત શહેરી વિસ્તારોમાં બ્યુટીફિકેશન, શહેરી સ્વચ્છતા અને કચરા વ્યવસ્થાપન માટે 808 કરોડની જોગવાઈ.
• શહેરી વિસ્તારોને રેલ્વે ક્રોસિંગ મુક્ત બનાવવાના અભિયાન હેઠળ ઓવર બ્રિજ/અંડર બ્રિજ બનાવવા માટે 545 કરોડની જોગવાઈ.
• સ્ટેચ્યુ ઓફ યુનિટી ખાતે ઇન્‍ફ્રાસ્ટ્રકચરના કામો માટે 253 કરોડની જોગવાઈ.
• અમદાવાદમાં SVP સ્પોર્ટ્સ એન્ક્લેવના વિકાસ માટે 250 કરોડની જોગવાઈ.
• મુખ્યમંત્રી ગ્રીન રીંગ રોડ યોજના હેઠળ મુખ્ય શહેરોમાં ગ્રીન રીંગ રોડ વિકસાવવા માટે 200 કરોડની જોગવાઈ.
• આઇકોનિક રસ્તાઓના વિકાસ માટે 200 કરોડની જોગવાઈ.
• ધાર્મિક શહેરોના સર્વાંગી વિકાસ યોજના હેઠળ ધાર્મિક નગરોના વ્યૂહાત્મક માળખાગત વિકાસ માટે 200 કરોડની જોગવાઈ.
• 12 મ્યુનિસિપલ કોર્પોરેશનોમાં ઇન્‍ટીગ્રેટેડ કમાન્‍ડ એન્‍ડ કંટ્રોલ સેન્‍ટર માટે 180 કરોડની જોગવાઈ.
• રાજ્યમાં અગ્નિશામક સેવાઓ માટે એક રાજ્ય એક કેડરની સ્થાપના દ્વારા અગ્નિશામક અને કટોકટી સેવાઓને મજબૂત બનાવવામાં આવશે. રાજ્ય અગ્નિશામક મુખ્યાલય અને નવા મોડેલ ફાયર સ્ટેશનોની સ્થાપના માટે 160 કરોડની જોગવાઈ.
• રાષ્ટ્રીય શહેરી આજીવિકા મિશન હેઠળ 120 કરોડની જોગવાઈ.
• અમદાવાદ, સુરત, વડોદરા અને રાજકોટ ખાતે હાલમાં ક્લિન એર પ્રોગ્રામના અમલીકરણ સાથે હવે જામનગર, જૂનાગઢ, ભાવનગર, ગાંધીનગર અને ભરૂચ-અંકલેશ્વર માટે સ્ટેટ ક્લિન એર પ્રોગ્રામના અમલીકરણ માટે 100 કરોડની જોગવાઈ.
• ગિફ્ટ સિટીમાં માળખાગત સુવિધાઓના વિકાસ માટે 72 કરોડની જોગવાઈ.
• પી.એમ. ઈ-બસ યોજના હેઠળ ડેપો ઈન્ફ્રાસ્ટ્રક્ચરના વિકાસ માટે 56 કરોડની જોગવાઈ.
• સેટેલાઇટ ટાઉનશીપ વિકસાવવા માટે 50 કરોડની જોગવાઈ.
• વડોદરા અને રાજકોટ મ્યુનિસિપલ કોર્પોરેશનમાં જાહેર-ખાનગી ભાગીદારી મોડેલ હેઠળ કન્વેન્શન સેન્ટર વિકસાવવા માટે 50 કરોડની જોગવાઈ.
• શહેરી આયોજન ક્ષેત્રમાં સંશોધન અને વિકાસને પ્રોત્સાહન આપવા માટે તથા સ્પેશિયલ પ્રોજેક્ટ સેલ અને આયોજન પોર્ટલની સ્થાપના માટે 14 કરોડની જોગવાઈ.
• ગુજરાત અર્બન એટલાસ હેઠળ મિલકતો અને ઉપયોગિતાઓના GIS મેપિંગ અને મુખ્ય શહેરી પ્રોજેક્ટ માટે 10 કરોડની જોગવાઈ.