કેનેડામાં હિંદુ મંદિર પર હુમલાથી ભડક્યા ભારતીય શીખો, દિલ્હીની કેનેડિયન એમ્બેસી બહાર પ્રદર્શન
Hindu Sikh Global Forum Protest: કેનેડામાં હિંદુ મંદિરો પર થયેલા હુમલાના વિરોધમાં રવિવારે દિલ્હીમાં ભારે હોબાળો થયો હતો. લોકોએ દિલ્હીમાં કેનેડિયન એમ્બેસીની બહાર ઉગ્ર પ્રદર્શન કર્યું. આ દરમિયાન પોલીસે તેમને રોકવાનો પ્રયાસ કર્યો, પરંતુ પ્રદર્શનકારીઓ પોલીસ બેરિકેડ પર ચઢી ગયા. આ અંગે એક વીડિયો પણ સામે આવ્યો છે.
નોંધનીય છે કે, 3 નવેમ્બરના રોજ, ખાલિસ્તાની સમર્થકોએ કેનેડાના બ્રામ્પટનમાં હિન્દુ સભા મંદિરની બહાર મહિલાઓ અને બાળકો સહિત હિન્દુ શ્રદ્ધાળુઓ પર હુમલો કર્યો અને તેમના પર લાકડીઓ ચલાવી હતી. વડાપ્રધાન નરેન્દ્ર મોદીએ આ ઘટનાની નિંદા કરી હતી. આ હુમલાના વિરોધમાં, હિન્દુ શીખ ગ્લોબલ ફોરમના સભ્યો નવી દિલ્હીમાં કેનેડિયન હાઈ કમિશનની બહાર પ્રદર્શન માટે એકઠા થયા હતા.
#WATCH | Delhi: People of the Hindu Sikh Global Forum on their way to the High Commission of Canada, Chanakyapuri, to protest against the attack on a Hindu Temple in Canada, were stopped at Teen Murti Marg by Police. pic.twitter.com/ONaXu46gJi
— ANI (@ANI) November 10, 2024
દેખાવકારો ચાણક્યપુરીમાં કેનેડા હાઈ કમિશન તરફ જઈ રહ્યા હતા. પોલીસે તેમને તીન મૂર્તિ માર્ગ પર રોક્યા અને વિસ્તારમાં સુરક્ષા વધારી દીધી. આ દરમિયાન પ્રદર્શનકારીઓ પોલીસ બેરિકેડ પર ચઢી ગયા હતા અને સૂત્રોચ્ચાર કર્યા હતા. પોલીસે તેમને ખૂબ સમજાવવાની કોશિશ કરી, પરંતુ તેઓ માનતા નહોતા.
આ અંગે હિંદુ શીખ ગ્લોબલ ફોરમના પ્રમુખ તરવિન્દર સિંહ મારવાહે જણાવ્યું કે કેનેડામાં થઈ રહેલા હુમલાના વિરોધમાં આ વિરોધ માર્ચ કાઢવામાં આવી હતી. હિન્દુ અને શીખ સમુદાયને નિશાન બનાવીને ત્યાં આવી ઘટનાઓ બની રહી છે. મંદિરો પર હુમલો કરવો એ ખોટું અને દુર્ભાગ્યપૂર્ણ છે.
