પાકિસ્તાન સંસદમાં થયા ભારતના ભરપેટ વખાણ, અગ્રણી નેતાએ જ બતાવ્યો અરીસો

Pakistan: પાકિસ્તાનના અગ્રણી નેતા મૌલાના ફઝલ ઉર રહેમાને પાકિસ્તાનની સંસદમાં પોતાના દેશને અરીસો બતાવ્યો છે. ફઝલ ઉર રહેમાને કહ્યું કે જ્યારે ભારત વૈશ્વિક મહાસત્તા બનવાની નજીક જઈ રહ્યું છે ત્યારે પાકિસ્તાન પોતાને વિનાશથી બચાવવા માટે વિશ્વમાં ભીખ માંગી રહ્યું છે. રહેમાને પાકિસ્તાની સેનાને પણ આડે હાથ લીધી હતી.

જમીયત ઉલેમા-એ-ઈસ્લામ ફઝલ (JUI-F)ના વડા રહેમાને નેશનલ એસેમ્બલીમાં શક્તિશાળી ભાષણ આપ્યું હતું. તેમણે કહ્યું કે, અમને 2018ની ચૂંટણી સામે પણ વાંધો હતો અને અમને આ (8 ફેબ્રુઆરીની ચૂંટણી) સામે પણ વાંધો છે. જો 2018ની ચૂંટણીમાં ધાંધલધમાલ થઈ હતી તો હાલની ચૂંટણીમાં ગોટાળા કેમ ન થયા? રહેમાને પાકિસ્તાન મુસ્લિમ લીગ (નવાઝ) અને પાકિસ્તાન પીપલ્સ પાર્ટીના શાસક ગઠબંધનને વિનંતી કરી કે જો પીટીઆઈની સંસદમાં બહુમતી હોય તો તેને સરકાર બનાવવાની મંજૂરી આપે. તેમણે કહ્યું કે ચાલો આપણે અહીં (વિરોધી બેન્ચ પર) બેસીએ અને જો પીટીઆઈ ખરેખર મોટી પાર્ટી છે તો તેમને સરકાર આપો.

ફઝલ ઉર રહેમાને ગૃહમાં શું કહ્યું?
તેમના ભાષણ દરમિયાન તેમણે ભારત સાથે સમાનતા વ્યક્ત કરી હતી. તેમણે કહ્યું, જરા ભારત અને આપણી સરખામણી કરો. બંને દેશોને એક જ દિવસે આઝાદી મળી હતી. પરંતુ આજે તેઓ (ભારત) મહાસત્તા બનવાના સપના જોઈ રહ્યા છે અને આપણે પોતાને નાદારીથી બચાવવા માટે ભીખ માંગી રહ્યા છીએ. તેમણે કહ્યું કે નિર્ણયો કોઈ બીજા દ્વારા લેવામાં આવે છે પરંતુ સમસ્યાઓ માટે રાજકારણીઓને જવાબદાર ગણવામાં આવે છે.

#BREAKING: Top Pakistani Politician Maulana Fazal Ur Rehman inside Pakistan Parliament says while India is inching closer to become a Global Superpower, Pakistan is begging before the world to save it from devastation. Rehman also takes an indirect dig at the Pakistan Army. pic.twitter.com/c1euemAtVM

— Aditya Raj Kaul (@AdityaRajKaul) April 29, 2024

રહેમાને ઇસ્લામિક સિદ્ધાંતો જાળવવાના મહત્વ પર ભાર મૂકતા કાઉન્સિલ ઓફ ઇસ્લામિક આઇડિયોલોજી (CII) ની ભલામણોને લાગુ કરવામાં નિષ્ફળતા પર પણ શોક વ્યક્ત કર્યો હતો. મૌલાના ફઝલ ઉર રહેમાને કહ્યું કે આપણને દેશ ઈસ્લામના નામે મળ્યો. પરંતુ આજે આપણે ધર્મનિરપેક્ષ રાજ્ય બની ગયા છીએ. 1973 થી CIIની એક પણ ભલામણ લાગુ કરવામાં આવી નથી. આપણે ઇસ્લામિક દેશ કેવી રીતે બની શકીએ? CCI એ કાયદાના ઈસ્લામીકરણમાં મદદ કરવા માટે રચાયેલ બંધારણીય સંસ્થા છે. તેમણે એમ પણ કહ્યું કે પાકિસ્તાન નાદારીથી બચવા માટે ઈન્ટરનેશનલ મોનેટરી ફંડ પાસે ભીખ માંગી રહ્યું છે.

મૌલાના ફઝલ ઉર રહેમાનની પાર્ટી JUI-F પીટીઆઈની કટ્ટર હરીફ હતી અને તેણે ઈમરાન ખાનને હટાવવા માટે પગલાં લીધાં હતાં. તેમના પતન પછી JUI-F ગઠબંધન સરકારનો ભાગ બન્યો. જો કે, ચૂંટણી પછી તેણે પીએમએલ-એન અને પીપીપી સાથે સંબંધો તોડી નાખ્યા. તેમણે આરોપ લગાવ્યો કે તેમની પાર્ટીને સત્તાથી દૂર રાખવા માટે ચૂંટણીમાં ધાંધલધમાલ કરવામાં આવી હતી.