Kanganaને CISF મહિલાકર્મીએ ઝીંક્યો લાફો, અભિનેત્રીએ નોંધાવી ફરિયાદ
નવી દિલ્હી: મંડી મત વિસ્તારમાંથી 2024ની લોકસભા ચૂંટણી જીત્યા બાદ કંગના રનૌત સંસદ તરફ આગળ વધી રહી છે. આજે કંગના રનૌત દિલ્હી જવા રવાના થઈ ગઈ છે. આ દરમિયાન સમાચાર સામે આવ્યા છે કે કંગના રનૌતને ચંદીગઢ એરપોર્ટ પર CISFના જવાનોએ થપ્પડ મારી હતી. મળતી માહિતી મુજબ જ્યારે અભિનેત્રી ચંદીગઢ એરપોર્ટ પર પહોંચી ત્યારે એક મહિલા CISF જવાનોએ અભિનેત્રીને થપ્પડ મારી દીધી હતી. જે બાદ કંગના રનૌતે એરપોર્ટ પોલીસમાં ફરિયાદ નોંધાવી છે.
CISF મહિલા કર્મચારીએ કંગના રનૌતને થપ્પડ મારી હતી
કંગના રનૌત તેના કરિયરની નવી સફર શરૂ કરવા માટે તૈયાર છે. ચાર વખત રાષ્ટ્રીય પુરસ્કાર વિજેતા અભિનેત્રી રાજકારણી બનેલી કંગના રનૌત મંડી લોકસભા બેઠક જીત્યા બાદ સક્રિય રાજકારણી તરીકે કામ કરવા માટે તૈયાર છે. કંગનાએ તેની ઇન્સ્ટાગ્રામ સ્ટોરીઝ પર તેની કારની તસવીરો શેર કરી હતી. જેમાં તેણે દિલ્હી જવાની માહિતી શેર કરી હતી. આ દરમિયાન હવે સમાચાર સામે આવ્યા છે કે જ્યારે તે ચંદીગઢ એરપોર્ટ પર પહોંચી ત્યારે એક મહિલા CISF જવાનોએ અભિનેત્રીને થપ્પડ મારી હતી. જે બાદ કંગના રનૌતે એરપોર્ટ પોલીસમાં ફરિયાદ નોંધાવી છે.
આ પણ વાંચો: પોલીસ સ્ટેશનમાં મહિલા સાથે અભદ્ર વર્તન કરનાર કર્મચારીઓ વિરૂદ્ધ તપાસના આદેશ
વિસ્તારા એરલાઈન્સ દ્વારા દિલ્હી જઈ રહ્યા હતા
મળતી માહિતી મુજબ, ખેડૂત આંદોલનમાં મહિલા ખેડૂતો વતી કંગનાના નિવેદનથી દુઃખી થયેલી CISF મહિલા કર્મચારી કુલવિંદર કૌરે અભિનેત્રીને થપ્પડ મારી હતી. અત્યારે કુલવિંદર કૌર કમાન્ડન્ટના રૂમમાં બેઠી છે. કંગના રનૌત આજે મંડીથી સાંસદ બન્યા બાદ વિસ્તારા એરલાઈન્સ દ્વારા ચંદીગઢથી દિલ્હી જવાનું હતું. આ દરમિયાન જ્યારે તે સિક્યોરિટી ચેકઅપ માટે આગળ વધી ત્યારે CISF મહિલા કર્મચારી કુલવિંદર કૌરે તેને થપ્પડ મારી દીધી હતી. અભિનેત્રી હવે દિલ્હી જવા રવાના થઈ ગઈ છે.
આ પહેલા પણ અભિનેત્રી સાથે આવી ઘટના બની ચુકી છે.
તમને જણાવી દઈએ કે, ચંદીગઢ એરપોર્ટ પર કંગના રનૌત સાથે આવી ઘટના પહેલીવાર નથી બની. ચાર વર્ષ પહેલા પણ ચંડીગઢ એરપોર્ટ પર એક અભિનેત્રી સાથે આવી જ ઘટના બની હોવાના સમાચાર સામે આવ્યા હતા.
