બોલિવૂડની એક અભિનેત્રી… જેની સાથે રતન ટાટાને થયો હતો પ્રેમ
Ratan Tata: દિગ્ગજ ઉદ્યોગપતિ રતન ટાટાએ 86 વર્ષની વયે દુનિયાને અલવિદા કહી દીધું છે. પરંતુ તેમણે લોકોના દિલમાં છાપ છોડી છે. તેમની પ્રોફેશનલ લાઈફની જેટલી ચર્ચા થઈ હતી તેટલી જ તેના અંગત જીવન વિશે પણ મોટાભાગના લોકો જાણે છે. પરંતુ શું તમે જાણો છો કે રતન ટાટા બોલિવૂડની એક અભિનેત્રીને ડેટ કરી ચૂક્યા છે. તે 60ના દાયકાની સુપરસ્ટાર હતી. એટલું જ નહીં રતન ટાટા તેમના શોમાં પહોંચ્યા હતા અને વાત કરતા જોવા મળ્યા હતા.
હા, તે બીજું કોઈ નહીં પણ અભિનેત્રી સિમી ગ્રેવાલ છે, જેણે 2011માં ટાઈમ્સ ઑફ ઈન્ડિયાને આપેલા ઈન્ટરવ્યુમાં રતન ટાટા સાથે ડેટ કર્યાની કબૂલાત કરી હતી. તેમણે કહ્યું, “તે પરફેક્શન છે, તેની પાસે હ્યુમરની ભાવના છે, તે વિનમ્ર અને અદ્ભુત સજ્જન છે. પૈસા ક્યારેય તેમનું પ્રેરક બળ નથી.” તેમ છતાં તેમનો રોમાંસ લગ્નમાં પરિણમ્યો ન હતો. પરંતુ બંને ગાઢ મિત્રો રહ્યા.
They say you have gone ..
It's too hard to bear your loss..too hard.. Farewell my friend..#RatanTata pic.twitter.com/FTC4wzkFoV— Simi_Garewal (@Simi_Garewal) October 9, 2024
ઉલ્લેખનીય છે કે સિમી ગ્રેવાલે મેરા નામ જોકર, સિદ્ધાર્થ, કર્જ, ચલતે ચલતે, તીન દેવિયાં જેવી ઘણી ફિલ્મોમાં કામ કર્યું હતું. જ્યારે તેમણે એક શો હોસ્ટ પણ કર્યો હતો જેમાં રતન ટાટાએ પણ ભાગ લીધો હતો. તેમણે પોતે કહ્યું કે તે ચાર વખત પ્રેમમાં પડ્યા અને વાત લગ્ન સુધી પહોંચતા પહોંચતા રહી ગઈ.
આ પણ વાંચો: રતન ટાટાના નિધન પર ઝારખંડ અને મહારાષ્ટ્રમાં એક દિવસનો રાજકીય શોક જાહેર
અંગત જીવનની વાત કરીએ તો સિમી ગ્રેવાલે પહેલા રવિ મોહન સાથે લગ્ન કર્યા હતા. કહેવાય છે કે ત્રણ મહિનાના લોંગ ડિસ્ટન્સ રિલેશનશિપ બાદ બંનેએ લગ્ન કરવાનો નિર્ણય લીધો હતો. પરંતુ 1979માં તેમના છૂટાછેડા થઈ ગયા. આ પછી તેમણે લગ્ન કર્યા ન હતા. જો કે, તે મન્સૂર અલી ખાન પટૌડીને ડેટ કરતી હોવાના અહેવાલો પણ હતા. પરંતુ વાત લગ્ન સુધી પહોંચી ન હતી.
