મંદિરમાં દલિતોના પ્રવેશને લઈને હોબાળો, ગર્ભગૃહમાંથી પ્રતિમા બહાર કાઢવામાં આવી
Dalits in temple: માંડ્યા જિલ્લાના પ્રસિદ્ધ કાલભૈરવેશ્વર મંદિરમાં દલિતોના પ્રવેશના વિરોધમાં મૂર્તિને પણ ગર્ભગૃહથી દૂર ખસેડવામાં આવી હતી. મળતી માહિતી મુજબ, ગામના કેટલાક લોકોએ મંદિરના ઉત્સવ દરમિયાન ઉત્સવની મૂર્તિને મંદિર પરિસરમાં એક બાજુ અલગ રાખી હતી. આ મંદિર મંડ્યા શહેરથી 13 કિલોમીટર દૂર હનાકેરે ગામમાં આવેલું છે, જ્યારે દલિત પ્રવેશને લઈને વિવાદ શરૂ થયો, ત્યારે સરકારી અધિકારીઓ અને પોલીસે ગ્રામજનો સાથે બેઠક યોજી ત્યારબાદ નિર્ણય લેવામાં આવ્યો કે દલિતોને મંદિરમાં પ્રવેશ આપવામાં આવશે.
ગ્રામજનોના જણાવ્યા મુજબ આ મંદિર સેંકડો વર્ષ જૂનું છે અને તાજેતરમાં તેના જીર્ણોદ્ધારનું કામ કરવામાં આવ્યું છે. કોંગ્રેસના પૂર્વ ધારાસભ્ય એમ શ્રીનિવાસે તેનું નવીનીકરણ કરાવ્યું હતું. ગામના કેટલાક લોકો પરંપરા મુજબ દલિતોના પ્રવેશનો વિરોધ કરી રહ્યા હતા. તેમણે કહ્યું કે ગામમાં દલિતો માટે અલગ મંદિર બનાવવામાં આવ્યું છે.
દલિતોને મંદિરમાં પ્રવેશવા દેવાથી રોષે ભરાયેલા ગ્રામજનોએ ઉત્સવની મૂર્તિને મંદિર પરિસરમાં બીજી જગ્યાએ ખસેડી હતી. તેમનું કહેવું છે કે, તેણે મંદિરમાં ખર્ચ કર્યો છે. મૂર્તિ સ્થાનાંતરિત કર્યા પછી, હંગામો શરૂ થયો અને ત્યારબાદ મંદિર બંધ કરવું પડ્યું. આ પછી, એક દિવસ પછી મંદિરના દરવાજા ખોલવામાં આવ્યા અને ફરીથી પૂજા કરવામાં આવી.
મળતી માહિતી મુજબ, હંગામો અને સરકારી અધિકારીઓના હસ્તક્ષેપ બાદ તમામ જાતિના લોકોને મંદિરમાં જવાની મંજૂરી આપવામાં આવી હતી. આ ઉપરાંત સાવચેતીના પગલારૂપે ગામમાં પોલીસ બંદોબસ્ત ગોઠવી દેવામાં આવ્યો છે. તહસીલદાર શિવકુમારે કહ્યું કે હવે મામલો ઉકેલાઈ ગયો છે અને વિવાદને લઈને સાવચેતી રાખવામાં આવી રહી છે.
