પ્રજ્વલ રેવન્નાના મોટા ભાઈ પર પણ લાગ્યા જાતીય સતામણીના આરોપ, જાણો શું છે ઘટના

નવી દિલ્હી: જાતીય સતામણીના આરોપી પ્રજ્વલ રેવન્નાના મોટા ભાઈ સૂરજ રેવન્ના પર પણ જાતીય સતામણીનો આરોપ લાગ્યો હતો. આ આરોપો તેના એક સહયોગીએ લગાવ્યા હતા. જે બાદ સૂરજ રેવન્નાએ આરોપ લગાવનાર વ્યક્તિ અને તેના પરિવાર વિરુદ્ધ પોલીસ ફરિયાદ નોંધાવી છે. રેવન્ના કહે છે કે બંનેએ જાતીય સતામણીનો ખોટો કેસ દાખલ કરવાની ધમકી આપીને પૈસા પડાવવાનો પ્રયાસ કર્યો છે. ફરિયાદ મળ્યા બાદ પોલીસે બંને સામે ગુનો નોંધ્યો છે.

સૂરજ રેવન્નાના નજીકના સહયોગી શિવકુમારે ચેતન કેએસ અને તેના સાળા વિરુદ્ધ ફરિયાદ નોંધાવી છે. ચેતન કેએસએ સૂરજ રેવન્ના વિરુદ્ધ જાતીય સતામણીનો આરોપ લગાવીને ફરિયાદ નોંધાવી છે. સૂરજ રેવન્ના હોલેનરસીપુરાના ધારાસભ્ય એચડી રેવન્નાનો પુત્ર અને પૂર્વ વડાપ્રધાન એચડી દેવગૌડાનો પૌત્ર છે.

ફરિયાદમાં શિવકુમારે આરોપ લગાવ્યો કે ચેતન તેનો મિત્ર બની ગયો અને ‘સૂરજ રેવન્ના બ્રિગેડ’ માટે કામ કરવા લાગ્યો. તાજેતરમાં ચેતને પરિવારના ખર્ચ માટે પૈસાની માંગણી કરી હતી. તેમની માંગણી ફગાવી દેવામાં આવી હતી. આ પછી આરોપીએ સૂરજ રેવન્ના પર જાતીય સતામણીનો આરોપ લગાવ્યો અને પોલીસમાં ફરિયાદ કરવાની ધમકી આપવાનું શરૂ કર્યું.

આ પણ વાંચો: તૂટી ચૂક્યું હતું, પૈસા ન હતા… ઈરાનને લઇને ડોનાલ્ડ ટ્રમ્પે કર્યા મસમોટા ખુલાસા

પહેલા 5 કરોડ રૂપિયાની માંગણી કરી હતી
શિવકુમારે દાવો કર્યો હતો કે ચેતને પહેલા 5 કરોડ રૂપિયાની માંગણી કરી હતી. પરંતુ બાદમાં તેણે તેની માંગ ઓછી કરી દીધી અને 2 કરોડ રૂપિયા પડાવવા માંગતો હતો. શિવકુમારની ફરિયાદ પર પોલીસે ચેતન અને તેના સાળા વિરુદ્ધ ભારતીય દંડ સંહિતાની કલમ 384 (ખંડણી), 506 (ગુનાહિત ધમકી) અને 34 (ષડયંત્રમાં અન્ય લોકોની સંડોવણી) હેઠળ કેસ નોંધ્યો છે. રેવન્નાના ભાઈ પ્રજ્વલ રેવન્નાની કર્ણાટક પોલીસની SIT દ્વારા આ મહિનાની શરૂઆતમાં ધરપકડ કરવામાં આવી હતી. જે સેંકડો જાતીય વીડિયો સાથે સંબંધિત કેસોની તપાસ કરી રહી છે. પૂર્વ સાંસદો આ યૌન શોષણ કેસમાં કથિત રીતે સંડોવાયેલા છે. 33 વર્ષીય રેવન્ના ન્યાયિક કસ્ટડીમાં છે.