આ લોટમાંથી બનેલી રોટલી ખાશો તો તમારું વજન ઝડપથી ઘટશે

Weight Loss: મોટા ભાગના લોકોને વજન વધવાની સમસ્યા આજના સમયમાં છે. આપણા આહારમાં રોટલી મહત્વની ભૂમિકા ભજવે છે. ત્યારે તમારા ભોજનમાં એવા લોટની રોટલી લો કે જેના કારણે તમારા વજનમાં વધારો ના થાય. આવો જાણીએ કે વજન ઘટાડવા માટે લોટમાંથી બનેલી કઈ રોટલી ખાવી જોઈએ?

ચણાના લોટની રોટલી
વજન ઘટાડવા માટે ચણાના લોટની રોટલી ફાયદાકારક છે. તઆ લોટમાં પ્રોટીનની માત્રા પણ વધારે હોય છે. જેનાથી શરીરને ફાયદો થશે. ઉનાળાના સમયમાં તમારે ચણાના લોટમાંથી બનેલી રોટલી ખાવી જોઈએ.

જવના લોટની રોટલી
જવનો લોટ પેટ માટે ખૂબ જ સારો ગણવામાં આવે છે. જવનો લોટ ઠંડો હોય છે. જવના લોટમાંથી બનેલી રોટલી પેટ સંબંધિત સમસ્યાઓ જેવી કે પેટમાં દુખાવો, કબજિયાતમાંથી રાહત આપે છે. તમારી ત્વચામાં ખીલની સમસ્યા થતી હોય તો તેને રોજ આહારમાં લેવાથી તે સમસ્યા દૂર થાય છે. ખાસ કરીને ડાયાબિટીસના દર્દીઓ માટે જવનો લોટ ફાયદાકારક ગણવામાં આવે છે.

આ પણ વાંચો: Most Beautiful Places: વિશ્વની 5 સુંદર જગ્યાઓને પ્રવાસીઓ કરી રહ્યા છે ખતમ

બાજરીના લોટની રોટલી
શિયાળામાં બાજરીના લોટની રોટલી ખાવી સ્વાસ્થ્ય માટે ફાયદાકારક માનવામાં આવે છે. બાજરીનો રોટલો ઝડપથી વજન ઉતારવા માટે ફાયદાકારક માનવામાં આવે છે. આ લોટમાં ઉચ્ચ પ્રોટીન અને ફાઈબર હોય છે. જેનાથી ઝડપથી ભૂખ પણ નહીં લાગે. જોકે બાજરાનો લોટ ગરમ ચોક્કસ હોય છે.