યશસ્વી અને ગિલની તોફાની બેટિંગમાં ઝિમ્બાબ્વે ધ્વસ્ત, ભારતે 10 વિકેટે મેચ જીતી
India vs Zimbabwe: યશસ્વી જાયસ્વાલ અને કેપ્ટન શુભમન ગિલની જોરદાર બેટિંગના કારણે ભારતે ચોથી ટી-20 મેચમાં ઝિમ્બાબ્વેને 10 વિકેટે હરાવી દીધુ છે. આ જીત સાથે ટીમ ઈન્ડિયાએ શુભમન ગિલની કેપ્ટનશિપમાં શ્રેણીમાં 3-1ની અજેય સરસાઈ મેળવી લીધી છે. હરારેના સ્પોર્ટ્સ ક્લબ મેદાનમાં રમાયેલી આ મેચમાં ટીમ ઈન્ડિયાએ ટોસ જીતીને પહેલા બોલિંગ કરવાનો નિર્ણય લીધો હતો. પ્રથમ બેટિંગ કરતા ઝિમ્બાબ્વેએ કેપ્ટન સિકંદર રઝાની 46 રનની ઇનિંગની મદદથી 20 ઓવરમાં 7 વિકેટ ગુમાવીને 152 રન બનાવ્યા હતા. જેના જવાબમાં ભારતે યશસ્વી અને ગિલની શાનદાર રમતથી માત્ર 15.2 ઓવરમાં જ મેચ જીતી લીધી હતી.
યશસ્વી જયસ્વાલે ટી-20 ઈન્ટરનેશનલમાં ટીમ ઈન્ડિયા માટે 5મી અડધી સદી ફટકારી હતી. તેની 93 રનની અણનમ ઇનિંગમાં તેણે 53 બોલનો સામનો કર્યો અને 13 ફોર અને 2 સિક્સ પણ ફટકારી હતી. યશસ્વી ઉપરાંત કેપ્ટન શુભમન ગિલે પણ માત્ર 35 બોલમાં પોતાની ફિફ્ટી પૂરી કરી હતી. શુભમન ગિલે પણ 58 રનની અણનમ ઇનિંગ રમી હતી.
A sparkling 🔟-wicket win in 4th T20I ✅
An unbeaten opening partnership between Captain Shubman Gill (58*) & Yashasvi Jaiswal (93*) seals the series for #TeamIndia with one match to go!
Scorecard ▶️ https://t.co/AaZlvFY7x7#ZIMvIND | @ShubmanGill | @ybj_19 pic.twitter.com/xJrBXlXLwM
— BCCI (@BCCI) July 13, 2024
ભારતની પ્લેઈંગ 11:
યશસ્વી જાયસ્વાલ, અભિષેક શર્મા, શુભમન ગિલ (કેપ્ટન), ઋતુરાજ ગાયકવાડ, સંજુ સેમસન (વિકેટકીપર), શિવમ દુબે, રિંકુ સિંહ, વોશિંગ્ટન સુંદર, રવિ બિશ્નોઈ, તુષાર દેશપાંડે, ખલીલ અહેમદ.
ઝિમ્બાબ્વે રમી રહ્યું છે 11:
વેસ્લી માધવેરે, તદીવનાશે મારુમાની, બ્રાયન બેનેટ, સિકંદર રઝા (કેપ્ટન), ડીયોન માયર્સ, જોનાથન કેમ્પબેલ, ક્લાઈવ મડાન્ડે (wk), ફરાઝ અકરમ, રિચર્ડ નગારવા, બ્લેસિંગ મુઝારાબાની, તેન્ડાઈ ચતારા.
