શું દિવસમાં બે વખત વાળને શેમ્પૂથી ધોઈ શકાય?
Shampoo Hair Wash: શરીરની સાથે સાથે વાળની સફાઈ પણ ખૂબ જ જરૂરી છે. કેટલાક લોકો કોઈપણ ઉત્પાદનનો ઉપયોગ કર્યા વિના દરરોજ તેમના વાળ ધોઈ નાખે છે. તો એવા પણ ઘણા લોકો છે જે શેમ્પૂથી વાળ ધોયા વગર રહી શકતા નથી. ત્વચા અને વાળના નિષ્ણાતો ઘણીવાર ખાસ કરીને ઉનાળાની ઋતુમાં તમારા વાળ સાફ કરવાની ભલામણ કરે છે. પરસેવા અને ધૂળને કારણે વાળ ખરવાનું પણ જોખમ રહેલું છે. ઘણીવાર લોકોના મનમાં આ પ્રશ્ન હોય છે કે વાળ કેટલી વાર ધોવા જોઈએ. કેટલાક લોકો તો દિવસમાં બે વાર શેમ્પૂથી વાળ ધોતા હોય છે.
શું વાળને દિવસમાં બે વાર શેમ્પૂથી ધોઈ શકાય?
શેમ્પૂનો ઉપયોગ વાળને સ્વચ્છ રાખવા માટે જ કરવામાં આવે છે, પરંતુ શેમ્પૂનો વધુ પડતો ઉપયોગ વાળ માટે નુકસાનકારક સાબિત થઈ શકે છે. તમારે દિવસમાં બે વાર શેમ્પૂ ન કરવું જોઈએ. કારણ કે તે માથાની ચામડીને નુકસાન પહોંચાડે છે અને વાળને નુકસાન થવા લાગે છે. વાળને વધારે સાફ કરવાથી તેનું કુદરતી તેલ દૂર થઈ શકે છે.
આ પણ વાંચો: Air Indiaની મોટી જાહેરાત, હવે ફ્રી સામાનમાં કરાયો ઘટાડો
આ નુકસાન પણ થઈ શકે છે
વધુ પડતું શેમ્પૂ કરવાથી વાળ ખરવા અને તૂટે છે. આટલું જ નહીં દિવસમાં બે વાર શેમ્પૂ કરવાથી વાળમાં શુષ્કતા આવે છે. તેનાથી વાળના મૂળ નબળા પડી શકે છે તમારે કેટલી વાર શેમ્પૂ કરવું જોઈએ તે તમારી જીવનશૈલી પર નિર્ભર કરે છે. જો તમે ઘણી બધી ધૂળ, માટી અને પ્રદૂષણમાં રહો છો અને દરરોજ તમારા વાળ ધોવા જરૂરી માનો છો, તો તમે દિવસમાં એકવાર શેમ્પૂ કરી શકો છો. પરંતુ તમારે શેમ્પૂ કરતા પહેલા તેલ લગાવવું જોઈએ. વાળ ધોતા પહેલા તેલની માલિશ કરવાથી માથાના કુદરતી તેલને નુકસાન થતું નથી અને વાળ ખરતા નથી. આ સિવાય જો તમારા વાળ બહુ ગંદા ન હોય તો અઠવાડિયામાં બે થી ત્રણ વાર શેમ્પૂ કરવું યોગ્ય છે.
