ઇજિપ્તમાં મોટી દુર્ઘટના: 44 લોકો સાથેની દરિયામાં ડૂબી ટુરિસ્ટ સબમરીન, 6 લોકોના મોતની આશંકા

Tourist Submarine sank in the Red Sea: ઇજિપ્તના લાલ સમુદ્રમાં હુરઘાડા શહેરના કિનારે ગુરુવારે (27 માર્ચ) સવારે એક ટુરિસ્ટ સબમરીન ડૂબી ગઈ. આ ભયાનક ઘટનામાં ઓછામાં ઓછા 6 લોકોના મોત અને 9 લોકો ઘાયલ થયાની આશંકા છે.

બીબીસીના અહેવાલ મુજબ, આ ઘટના બાદ લગભગ 29 લોકોને બચાવી લેવામાં આવ્યા છે અને 4 ગંભીર રીતે ઘાયલ સહિત અન્ય તમામ ઘાયલોને સારવાર માટે હોસ્પિટલમાં દાખલ કરવામાં આવ્યા છે. ઇજિપ્તના હુરઘાડા શહેરના કિનારે ડૂબી ગયેલી આ ટુરિસ્ટ સબમરીનનું નામ સિંદબાદ હતું. આ સબમરીનમાં લગભગ 44 મુસાફરો સવાર હતા, જે ગુરુવારે (27 માર્ચ) સવારે દરિયા કિનારે બંદર નજીક ડૂબી ગઈ હતી.

A tourist submarine, Sindbad, sank off Hurghada, Egypt, killing six and injuring nine. Of 44 passengers, 29 were rescued. The cause is unclear, and an investigation is underway. Emergency services responded swiftly to the Red Sea tragedy. pic.twitter.com/OubGFKI03X

— GeoTechWar (@geotechwar) March 27, 2025

ઘાયલોની સારવાર માટે 21 એમ્બ્યુલન્સ ઘટનાસ્થળે મોકલવામાં આવી
ડેઇલી મેઇલના અહેવાલ મુજબ, ઘટનાની ગંભીરતાને ધ્યાનમાં રાખીને, ઘાયલોને હોસ્પિટલ લઈ જવા માટે 21 એમ્બ્યુલન્સ ઘટનાસ્થળે મોકલવામાં આવી હતી. સિંદબાદ સબમરીનમાં કુલ 44 મુસાફરો હતા, જે વિવિધ દેશોના નાગરિકો હતા, જેઓ ઇજિપ્તના લાલ સાગરના ઊંડાણમાં કોરલ રીફ અને ઉષ્ણકટિબંધીય માછલીઓનું અન્વેષણ કરવા ગયા હતા. આ ટુરિસ્ટ સબમરીન સમુદ્રમાં 72 ફૂટની ઊંડાઈ સુધી જઈ શકે છે, પરંતુ કોઈ અજ્ઞાત કારણોસર તે ડૂબી ગઈ. જોકે, આ સબમરીન ડૂબી જવાના કારણની હજુ તપાસ ચાલી રહી છે.

સિંદબાદ વર્ષોથી પ્રવાસીઓને પાણીની અંદરની મુસાફરીની સુવિધા આપી રહ્યું હતું
સિંદબાદ નામની આ ટુરિસ્ટ સબમરીન ઘણા વર્ષોથી પ્રવાસીઓને પાણીની અંદરની દુનિયાના પ્રવાસ પર લઈ જઈ રહી છે. તે પ્રવાસીઓને લાલ સમુદ્રની અંદર 25 મીટર (82 ફૂટ)ની ઊંડાઈ સુધી લઈ ગયો, જ્યાં તેઓ 500 મીટરના પરવાળાના ખડકો અને પાણીની અંદરની દુનિયા જોઈ શકતા હતા.

સિંદબાદની વેબસાઇટ અનુસાર, આ સબમરીન વિશ્વની 14 રિયલ મનોરંજક સબમરીનમાંથી એક છે, જે ફિનલેન્ડમાં ડિઝાઇન કરવામાં આવી હતી. આ સબમરીન 44 મુસાફરો અને બે ક્રૂ સભ્યોને દરિયામાં લઈ જવાની ક્ષમતા ધરાવે છે.