દિલ્હી પહોંચતા જ મનુ ભાકરનું ભવ્ય સ્વાગત, ભારતની દીકરી માટે સૌ કોઈ ભાવુક
Manu Bhaker Grand Welcome at Delhi Airport: મનુ ભાકરનું દિલ્હી આગમન પર ભવ્ય સ્વાગત કરવામાં આવ્યું છે. આ પ્રસંગે મનુના પિતા તેને રિસીવ કરવા એરપોર્ટ પહોંચ્યા હતા. મનુની ફ્લાઈટ દિલ્હીના ઈન્દિરા ગાંધી ઈન્ટરનેશનલ એરપોર્ટ પર ઉતરે તે પહેલા જ સેંકડો લોકોની ભીડ ત્યાં જમા થઈ ગઈ હતી.
ચાહકોએ ભારત માતા કી જયના નારા લગાવ્યા
મનુ ભાકરનું સ્વાગત કરવા એરપોર્ટ પર આવેલા દિલ્હીના કેદારે કહ્યું કે અમે ખૂબ જ ખુશ છીએ કે આપણા દેશની દીકરી એક સાથે બે મેડલ લાવી રહી છે. આ સાથે ભારત માતા કી જયના નારા લગાવતા અન્ય એક વ્યક્તિનું કહેવું છે કે આપણા માટે ખુબ ખુશીની વાત છે કે આપણા દેશની એક મહિલાએ એવોર્ડ જીત્યો છે.
મનુ જલ્દી પેરિસ જવા રવાના થશે
તમને જણાવી દઈએ કે મનુ ભાકરે પેરિસ ઓલિમ્પિક શૂટિંગમાં ભારત માટે બે મેડલ પ્રાપ્ત કરી છે. . હવે તે પેરિસ ઓલિમ્પિકના સમાપન સમારોહમાં ભારતનું પ્રતિનિધિત્વ કરતી જોવા મળશે. તે થોડા જ સમયમાં ફરીથી પેરિસ જવા રવાના થશે. મનુએ 10 મીટર એર પિસ્તોલમાં બે બ્રોન્ઝ મેડલ જીતીને વૈશ્વિક મંચ પર ભારતનું નામ રોશન કર્યું છે. આ રીતે તે બે મેડલ જીતનારી પ્રથમ ભારતીય શૂટર બની ગઈ છે. આ પછી મનુએ સરબજોત સિંહ સાથે મળીને 10 મીટર એર પિસ્તોલમાં પણ બ્રોન્ઝ મેડલ જીત્યો હતો.
આ પણ વાંચો: ફોગાટ ગોલ્ડ માટે ધોબી પછાડ આપશે, કોંગ્રેસે PMને ટોણો માર્યો
કોણ છે મનુ?
16 વર્ષની ઉંમરે બે ગોલ્ડ મેડલ જીત્યા હતા. તે હરિયાણાના ઝજ્જર જિલ્લાના ગોરિયા ગામની રહેવાસી છે. તેની માતા શાળામાં ભણાવા જાય છે અને પિતા મરીન એન્જિનિયર છે. વર્ષ 2018 માં, મનુ ભાકરે મેક્સિકોમાં ઇન્ટરનેશનલ શૂટિંગ સ્પોર્ટ્સ ફેડરેશન (ISSF) માં ભારત માટે બે ગોલ્ડ મેડલ જીત્યા હતા. મનુએ 10 મીટર એર પિસ્તોલ (મહિલા) કેટેગરીમાં પ્રથમ ગોલ્ડ જીત્યો બીજો ગોલ્ડ 10 મીટર એર પિસ્તોલ (મિશ્ર ઇવેન્ટ)માં જીત્યો હતો. ખાસ વાત તો એ હતી કે 1 જ દિવસમાં તેણીએ 16 વર્ષની ઉંમરમાં બે ગોલ્ડ મેડલ જીતીને નવો રેકોર્ડ બનાવ્યો હતો. આવું કરનાર તે સૌથી યુવા મહિલા ખેલાડી હતી.
#WATCH | Double Olympic medalist in shooting, Manu Bhaker and her coach Jaspal Rana receive a grand welcome after they arrive at Delhi airport after Manu Bhaker's historic performance in #ParisOlympics2024
She won bronze medals in Women’s 10m Air Pistol & the 10m Air Pistol… pic.twitter.com/h7syhyk1Sy
— ANI (@ANI) August 7, 2024
દિકરીમાં માટે નોકરી છોડી
મનુ ભાકરના પિતા રામ કિશન ભાકરે જણાવ્યું કે જ્યારે મનુએ પહેલીવાર સ્કૂલમાં કોઈ ઈવેન્ટમાં ભાગ લીધો ત્યારે તેણે એટલી સચોટતાથી ટાર્ગેટ માર્યો કે સ્કૂલના શિક્ષકો પણ જોતા રહી ગયા હતા. થોડીક પ્રેક્ટિસ અને ટ્રેઈનિંગ પછી વિવિધ સ્થળોએ આયોજિત સ્પર્ધાઓમાં ભાગ લેવાની પ્રક્રિયા શરૂ થઈ હતી. પરંતુ સમસ્યા એ હતી કે મનુ લાયસન્સવાળી પિસ્તોલ સાથે જાહેર બસમાં મુસાફરી કરી શકતી ના હતી. જેના કારણે મનુના પિતાએ દીકરી માટે નોકરી છોડી દીધી હતી.
