તમારા દિવસની શરૂઆત કરો નારંગી-દાડમની સ્મૂધી સાથે…

નાના બાળકથી લઈને મોટા લોકો સુધી બધાને સ્મૂધી પીવી ગમે છે. તેમાં પણ જો આ સ્મૂધી ફ્રૂટમાંથી બનાવવામાં આવે તો એ ટેસ્ટીની સાથે હેલ્દી પણ બની જાય છે. આમ તો આપણે બધા ફ્રૂટમાંથી સ્મૂધી બનાવી શકીએ છીએ પણ તેની રીત અને સામગ્રીમાં સામાન્ય ફેરફાર રહે છે. આજે આપણે નારંગી-દાડમની સ્મૂધી બનાવીશું. જેને તમે ઘરની સામગ્રીથી સરળ રીતે બનાવી શકશો.

• સામગ્રી
  – 1 કપ નારંગી
  – 1 કપ દાડમ
  – 2 કપ બદામનું દૂધ
  – 1 ટીસ્પૂન મિશ્રિત સૂકા ફળો
  – 1/4 ચમચી એલચી પાવડર
  – 4-6 બરફના ટુકડા
• ગાર્નિશિંગ માટે
  – 1 ચમચી દાડમના દાણા
  – 2 કૂકીઝ
  – 1 નારંગીનો ટુકડો
• રીત
  – સૌ પ્રથમ ગ્રાઇન્ડરમાં નારંગી, દાડમ, બદામનું દૂધ, ડ્રાય ફ્રૂટ્સ, એલચી પાવડર અને આઈસ ક્યુબ્સ નાખીને પીસી લો.
  – સ્મૂધીને ગ્લાસમાં કાઢી લો.
  – નારંગી-દાડમની સ્મૂધી તૈયાર છે.
  – દાડમના દાણા, કૂકીઝ અને નારંગીના ટુકડાથી ગાર્નિશ કરીને સર્વ કરો.