ચેતી જજો! આ નાનકડી ભૂલોથી તૂટી શકે છે તમારો ઉપવાસ

Fasting Rules: વ્રત રાખવાની પરંપરા સદીઓથી ચાલી આવે છે. હિન્દુ ધર્મમાં આવા ઘણા શુભ પ્રસંગો છે જ્યારે ઉપવાસ કરવામાં આવે છે. વ્રત રાખવાથી દેવી-દેવતાઓના આશીર્વાદ પ્રાપ્ત થાય છે. એવા ઘણા ઉપવાસ છે જેમાં પાણી પીવાની પણ મનાઈ છે. કહેવાય છે કે ઉપવાસ એ તપસ્યા સમાન છે. ઉપવાસ કરતી વખતે નાની નાની બાબતોનું ધ્યાન રાખવું સૌથી જરૂરી છે. જો આનું ધ્યાન રાખવામાં ન આવે, તો ઉપવાસ તૂટી શકે છે અને તમને સંપૂર્ણ પરિણામ નહીં મળે. આવો જાણીએ વ્રત કરતી વખતે કઈ બાબતોનું ધ્યાન રાખવું જોઈએ.

સ્વચ્છ કપડાં પહેરો
ઉપવાસ કરનાર વ્યક્તિએ સવારે વહેલા ઉઠવું જોઈએ. પછી રોજીંદી પ્રવૃત્તિઓ- સ્નાન કર્યા પછી સ્વચ્છ વસ્ત્રો પહેરવા જોઈએ.

ઊંઘ ટાળો
ઉપવાસ દરમિયાન વ્યક્તિએ બિલકુલ ઊંઘવું જોઈએ નહીં. આમ કરવાથી તમારું વ્રત તૂટી શકે છે. બને તેટલી ભગવાનની પૂજા કરો.

દાન
વ્રત દરમિયાન વ્યક્તિએ પોતાની ક્ષમતા મુજબ દાન કરવું જોઈએ. આ સિવાય જરૂરિયાતમંદોની સેવા કરવાથી પુણ્યની પ્રાપ્તિ થાય છે.

નિંદા ટાળો
જે લોકો વ્રત રાખે છે તેમણે કોઈની પણ ખરાબ વાત, ટીકા, ગપસપ અને જૂઠું બોલવાનું ટાળવું જોઈએ. નહીં તો તમને ઉપવાસનું પરિણામ નહીં મળે.

વારંવાર ખાશો નહીં
એવા ઘણા લોકો છે જે ઉપવાસ રાખે છે પરંતુ વારંવાર કંઈક ને કંઈક ખાતા રહે છે. આવું કરવાથી પણ બચવું જોઈએ.

ગુસ્સા પર નિયંત્રણ રાખો
ઉપવાસ કરનારા લોકોએ પોતાના ગુસ્સા પર નિયંત્રણ રાખવું જોઈએ. ભૂખનો ગુસ્સો અન્ય કોઈ વસ્તુ કે વ્યક્તિ પર ન કાઢો.

માસિક સ્રાવ
સ્ત્રીઓએ માસિક ધર્મ દરમિયાન ઉપવાસ કરવાનું ટાળવું જોઈએ. એવું કહેવાય છે કે તે સમયે ઉપવાસ કરવાથી ફળ મળતું નથી.

સાત્વિક ખોરાક જ ખાઓ
ઉપવાસ તોડવા માટે હંમેશા સાત્વિક ખોરાક ખાઓ. કોઈ પણ પ્રકારનો તામસિક કે ભારે ખોરાક ન ખાવો જોઈએ.