PNB કૌભાંડ મામલે CBIએ દાખલ કરી પૂરક ચાર્જશીટ, નીરવ મોદીની બહેનની વધશે મુશ્કેલીઓ!
Nirav Modi: સેન્ટ્રલ બ્યુરો ઓફ ઇન્વેસ્ટિગેશન (CBI) એ સોમવારે (24 માર્ચ) કરોડો રૂપિયાના પંજાબ નેશનલ બેંક (PNB) કૌભાંડમાં પૂરક ચાર્જશીટ દાખલ કરી. જેમાં મુખ્ય આરોપી નીરવ મોદીની બહેન પૂર્વી મહેતાને આરોપી બનાવવામાં આવી છે. સીબીઆઈએ ખાસ સરકારી વકીલ એ. લિમોઝીન દ્વારા સ્પેશિયલ સીબીઆઈ કોર્ટમાં આ ચાર્જશીટ દાખલ કરી હતી.
આ ચાર્જશીટમાં પૂર્વી મહેતા ઉપરાંત ફાયરસ્ટાર ગ્રુપ ઓફ કંપનીઝના અધિકારી આદિત્ય નાણાવટીને પણ આરોપી બનાવવામાં આવ્યા છે. બેલ્જિયમની નાગરિક પૂર્વી પર પંજાબ નેશનલ બેંક (PNB) દ્વારા જારી કરાયેલા લેટર ઓફ અંડરટેકિંગ દ્વારા પ્રાપ્ત ભંડોળનો લાભ લેવાનો આરોપ છે. જોકે, સીબીઆઈએ આ કેસમાં પૂર્વીના પતિ અને બ્રિટિશ નાગરિક મયંક મહેતાનું નામ આરોપી તરીકે રાખ્યું નથી.
13,000 કરોડ રૂપિયાથી વધુની ઉચાપતનો આરોપ
અગાઉ, પૂર્વી અને તેના પતિ મયંક મહેતાને એન્ફોર્સમેન્ટ ડિરેક્ટોરેટ (ED) દ્વારા નોંધાયેલા મની લોન્ડરિંગ કેસમાં આરોપી બનાવવામાં આવ્યા હતા. જો કે, હવે તે બંને આ કેસમાં સરકારી સાક્ષી બન્યા છે. જ્યારે નીરવ મોદી અને તેના કાકા મેહુલ ચોક્સી આ કૌભાંડના મુખ્ય આરોપી છે. આ બંને પર LoU અને ફોરેન લેટર ઓફ ક્રેડિટ (FLC) નો ઉપયોગ કરીને મુંબઈમાં પંજાબ નેશનલ બેંક (PNB) ની બ્રેડી હાઉસ શાખાના અધિકારીઓને લાંચ આપીને પંજાબ નેશનલ બેંક (PNB) માંથી 13,000 કરોડ રૂપિયાથી વધુની ઉચાપત કરવાનો આરોપ છે.
આ પણ વાંચો: સૌરાષ્ટ્ર યુનિવર્સિટીના પ્રોફેસર સામે પાંચ વિદ્યાર્થિનીઓની ફરિયાદ, ક્લાસમાં દ્વિઅર્થી શબ્દો બોલવાનો આક્ષેપ
નીરવ મોદી છ વર્ષથી લંડનની જેલમાં છે
કૌભાંડની માહિતી મળતાં મેહુલ ચોક્સી થોડા અઠવાડિયા પહેલા ભારતમાંથી ભાગી ગયો હતો. તેઓ 2018 થી એન્ટિગુઆમાં રહે છે. જોકે, એક મીડિયા રિપોર્ટ અનુસાર, ચૌરસિયા હવે તેમની પત્ની પ્રીતિ ચૌરસિયા સાથે બેલ્જિયમના એન્ટવર્પમાં રહે છે. એવું કહેવાય છે કે તેણે ત્યાં રહેઠાણ કાર્ડ મેળવ્યું છે. નીરવ મોદી છેલ્લા છ વર્ષથી લંડનની જેલમાં બંધ છે અને ભારત પ્રત્યાર્પણ ટાળવા માટે કાનૂની લડાઈ લડી રહ્યો છે.
