દિલ્હી નજીક ફરીદાબાદમાં ધ્રુજી ધરા, 2.4ની તીવ્રતાની ભૂકંપનો આંચકો
![](/wp-content/uploads/2024/02/Earthquack-1.jpg)
નવી દિલ્હી: ગુરુવારે સવારે દિલ્હી નજીક ફરીદાબાદમાં ભૂકંપનો આંચકો આવ્યો હતો. સવારે 10:54 વાગ્યે ખૂબ જ હળવો ભૂકંપ આવ્યો. રિક્ટર સ્કેલ પર તેની તીવ્રતા 2.4 હતી. જાન-માલના નુકસાનની કોઈ માહિતી નથી. ભૂકંપની તીવ્રતા ખૂબ ઓછી હોવાને કારણે નુકસાન થવાની કોઈ શક્યતા નથી.
નેશનલ સેન્ટર ફોર સિસ્મોલોજી અનુસાર, દિલ્હીની બાજુમાં આવેલા ફરીદાબાદમાં સવારે 10:54 કલાકે ભૂકંપ આવ્યો હતો. રિક્ટર સ્કેલ પર તેની તીવ્રતા 2.4 માપવામાં આવી હતી. તેનું કેન્દ્ર જમીનથી 5 કિલોમીટર નીચે હતું. આ સ્તરના ધરતીકંપોને નીચા ગ્રેડમાં રાખવામાં આવે છે. મોટાભાગના લોકોને આ ભૂકંપનો અનુભવ થયો ન હતો. સામાન્ય રીતે 3 થી ઓછી તીવ્રતાના ધરતીકંપ અનુભવાતા નથી. 5થી વધુની તીવ્રતાના ભૂકંપમાં નુકસાન થવાની આશંકા છે. જો તીવ્રતા 7 થી વધુ હોય, તો મોટા પ્રમાણમાં નુકસાન થાય છે.
આ પણ વાંચો: ઈઝરાયલના PM નેતન્યાહુનું અમેરિકી સંસદરમાં અપમાન! કેમ ન પહોંચી શક્યા કમલા હેરિસ?
તાજેતરના સમયમાં દિલ્હી-એનસીઆરમાં ભૂકંપના હળવા અને મધ્યમ આંચકા અનુભવાયા છે. યમુના કિનારે આવેલો આ વિસ્તાર ભૂકંપની દૃષ્ટિએ ખૂબ જ સંવેદનશીલ માનવામાં આવે છે. દિલ્હી-એનસીઆરમાં ઉંચી ઈમારતોમાં રહેતા લોકો ભૂકંપથી ડરી ગયા છે.
EQ of M: 2.4, On: 25/07/2024 11:43:08 IST, Lat: 28.45 N, Long: 77.39 E, Depth: 5 Km, Location: Faridabad, Haryana.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/bABxGFk0uD— National Center for Seismology (@NCS_Earthquake) July 25, 2024
સમયાંતરે ભૂકંપ અંગે જાગૃતિ ફેલાવવામાં આવે છે. ભૂકંપ વખતે ઘર છોડીને ખાલી જગ્યા પર જવાની સલાહ આપવામાં આવે છે. જો આમ કરવું શક્ય ન હોય તો, તમે ટેબલ અથવા પલંગની નીચે સંતાઈને તમારી જાતને બચાવી શકો છો. આ સિવાય ઘરના એક ખૂણામાં ઉભા રહેવાથી પણ બચવાની શક્યતા વધી જાય છે. ભૂકંપ દરમિયાન લિફ્ટનો ઉપયોગ ન કરવાની સલાહ આપવામાં આવે છે.